Hættið þessu bara!

Væri ekki bara nær að hætta þessari vitleysu og læra af mistökunum? Þetta gæluverkefni hefur kostað fleiri milljarða sem hefði verið betur varið í ýmislegt annað.

Ég skil ekki hvernig einhverjir vísindamenn hafa komist upp með þessa vitleysu. Bara til þess að komast að einhverju sem ekki er með neinni vissu hægt að sanna að hafi einhvern tíma verið. Stóri hvellur er bara kenning og þessi rándýra tilraun kemur hvorki til með að sanna hann eða afsanna.

Fyrir utan það að  öll stór orðin um að ekkert geti farið úrskeiðis virðast nú ekki sérlega marktæk. Hvað þá með allar fullyrðingarnar um að engin hætta sé á ferðum? Er þessi tröllaukna vél í höndum þeirra, sem halda sig hafa fulla stjórn á henni, ekki bara eins og eldspýtur í höndum óvita?

Hraðlinum mögulega lokað

Nakið og hálfnakið afgreiðslufólk.

Ég aulaðist einu sinni inn á svona "topless-bar" í evrópskri borg. Mér fannst það ekkert sniðugt. Karlinn sem var að afgreiða var loðinn og slappur ístrubelgur... óttalega eitthvað óspennandi.

Handtekin sökum nektar

Bezta mál

Það skyldi þó ekki vera að offjárfestingar atvinnulífsins muni nýtast samfélaginu að einhverju leyti?

Þetta er bara bezta mál, ef húsnæðið reynist hentug, þá er ekki til einskis byggt. Að maður tali nú ekki þegar aðkreppt íþróttagrein á í hlut.

Breytist byggingavöruverslun í fimleikahús?

Nú er lag!

Það er gott að efnahagurinn mjakast upp á við, þó hægt fari. Þegar maður nær botninum geta hlutirnir aðeins gengið upp á við... eða staðið í stað.

Pössum okkur nú á því þegar úr fer að rætast, sem það gerir, að fara ekki á annað neyzlufyllerí. Það er eins okkur sé fyrirmunað að geta lagt til mögru áranna. Við myndum líklega eta útsæðið frekar en neita okkur um eina máltíð. Það er ekki gott því þegar upp er staðið þá er það samfélagið í heild sem tekur á sig bruðlið og eyðsluna. Eyðum ekki um efni fram og spörum þegar við erum aflögufær.

Það er t.d. ekki nokkur hemja að sjá allan þann fjölda tröllaukinna benzíngleypandi pallbíla sem aka um göturnar án nokkurs tilgangs. Í flestum tilfellum aðeins að koma eiganda sínum frá A til B.

Hver er tilgangurinn í því, fyrir fólk sem fer varla út fyrir malbik, að vera með 2-3 margramilljón króna jeppa fyrir framan húsið hjá sér? Er það einhver hemja að kosta heilu flugvélafarmana af skemmtanaóðum broddborgurum til að hlusta á íslenzka trúbadora troða upp í útlöndum? Hvaða rök eru fyrir því að bankastofnanir séu að leigja heilu leikhúsin og kosta þaulæfð og fullmönnuð meistaraverk til að geta boðið húsfylli af viðskiptavinum sínum upp á huggulega skemmtun að undangengnu áti og drykkju? Hvaða bilun er það að ráða fólk til vinnu með því skilyrði að það fái jafnvel tugföld árslaun venjulegs launafólks ef það hættir og hvað er að fólki sem finnst í lagi að fara fram á svoleiðis vitleysu?

Upphæðirnar sem sumt fólk er búið að vera að leika sér með eru svo fáránlegar að þetta sama fólk er búið að missa allt raunveruleikaskyn. Það er búið að sóa fé sem aldrei skilar sér aftur.

Nei, nú tökum við okkur tak, vinnum okkur upp þessari lægð og lærum af mistökunum. Hér eru allar aðstæður til þess að landsmenn geti búið við velsæld og öryggi ef rétt er að staðið og ef við berum gæfu til þess að gera það á okkar eigin forsendum en ekki annara.

Allt á uppleið

Það munar ekki um það!

Níuhundruð íbúðir, það munar nú um minna. Eru ekki íbúar Hveragerðis eitthvað um 2300 manns? Segjum svo í hverri íbúð búi að meðaltali þrír (sem er líklega varlega áætlað) þá virðast menn ætla að meira en tvöfalda íbúafjöldann á skömmum tíma.

Já, það er ekki hægt að segja annað en menn (konur og karlar) séu stórhuga og fullir bjartsýni þarna fyrir austan fjall. Strætó bjargar nefnilega öllu.

Ætli þeim sé ekki óhætt að slá nokkur hundruð íbúðum á frest í einhvern tíma. Með fullri virðingu fyrir Hveragerði, sem ég held að sé mikill sómabær, þá ímynda ég mér að hér sé svolítið stór biti á ferð, sem ekki verður tekinn í einni munnfylli.

900 byggingum slegið á frest

Við hverju býst fólk?

Um 200þúsund kall á mánuði er nú slatti þegar sumir, sem eru að reyna að halda heimili, ná því ekki einu sinni með fullri vinnu.

Ég skil ekki alveg hvað er málið. Við hverju býst fólkið þegar hingað kemur? Það er komið hingað sem heimilislaust flóttafólk og maður hefur nú heyrt lýsingar af vatns- og skólplagnarlausum flóttamannabúðum, alríkisstjórnarfari þar sem enginn er óhultur um líf sitt og svo framvegis.

Þegar hingað er komið er svo kvartað undan eigin umgengni og því að þurfa að fara að lögum.

Hvað er Mbl sjónvarp að sýna ofan í rusladalla, ótæmda öskubakka og ófrágengnar salernisrúllur? Eru íbúarnir of uppteknir að taka til eftir sig sjálfir? Hvað er fólk að hneykslast á lögreglurannsókn sem sannanlega hefur leitt í ljós glæpsamlegt athæfi? Úr hverskonar umhverfi er það fólk komið sem kýs að leita hælis hér? Og hversvegna hér fyrst allt er svona slæmt... svona miklu verra en því finnst boðlegt?

Það er stórmál þegar fólk sem leitar hér hælis gerir það á röngum forsendum. Þegar skattpeningar okkar fara í halda uppi fólki sem jafnvel getur séð fyrir sér sjálft og þegar verið er að finna fólki samastað sem kemur á fölskum pappírum.

Ég tek það fram að ég er ekki að segja að við eigum ekki að rétta þeim hjálparhönd sem þess þurfa. Hins vegar þarf greinilega að taka mál hælisleitenda til rækilegrar skoðunar og mér þykir tilætlunarsemi sumra nokkuð einkennileg.

Svo finnst mér líka einkennileg kynjamismunun að finna konum íbúðir en láta karla búa á farfuglaheimili.

Hælisleitandi kostar 6500 á dag

Vonum það bezta

Vonandi sér fyrir endann á þessari deilu og þó fyrr hefði verið. Ég vona líka að ljósmæður snúi sáttar til starfa og fái þá leiðréttingu sem þeim ber.

Varla verða þær til að setja ríkið á höfuðið.

Miðlunartillaga í ljósmæðradeilu

Ofbeldishneigður kvenmaður

Já, það getur verið óttalega pirrandi þegar menn gera ekki það sem ætlast er til af þeim. Hvað veit maður þó... kannske hefur hann verið illa fyrir kallaður, jafnvel lasinn. Svo gæti verið að hann hafi ekki verið búinn að líta inn í eldhúsið og því ekki gert sér grein fyrir því að það lægi uppvask fyrir... uppvask jafnvel eftir hana sjálfa. Já, hvað veit maður? Var hún jafnvel búin að nauða í honum í marga daga að taka til hendinni? Þessi frétt gefur manni ekki mikið til að leggja út af.

Samt held ég að við getum öll verið sammála því að stúlkan er ofbeldishneigð og það ætti ekki að láta sverð liggja á glámbekk þar sem hún gæti átt leið um.

Ákærð fyrir líkamsárás í kjölfar rifrildis um uppvaskið

Kveifar!

Óttalegir aumingjar eru þetta... og þvílík della að lundinn sé í útrýmingarhættu. Mér skilst að það séu um 10.000.000 lunda bara hér á Íslandi, langstærsti fulgastofn landsins. Ef það má ekki veiða úr honum þá er eins gott að við hættum alfarið að veiða fugla.

Lundinn er vissulega mjög áhugaverður og fallegur fugl... mér liggur við að segja sætur. Það eru blessuð litlu lömbin líka og hreindýrin er tígurleg. Það breytir því ekki að þetta er matur, meira að segja er lundinn mjög góður matur.

Það er rétt að fara varlega við nýtingu villtra dýrastofna svo tilveru þeirra sé ekki ógnað en forðast um leið alla viðkvæmni og tilfinningasemi í slíkri umræðu.

Áhorfendum hryllti við lundaáti Ramsay

Lögreglumál

Það er náttúrulega alveg ótækt að manni sé seld kanína með upprétt eyru þegar maður biður sérstaklega um að nagdýrið sé með eyrum lafandi. Ég fæ ekki séð annað en að þetta hljóti að vera mál fyrir lögregluna og að þeir félagar Taggarts ættu ekki að vera í vandræðum með að leysa það.

Grínlaust þá er kanínumálið kannske það sem kemur lögreglunni sízt við að þeim þremur sem nefnd eru í þessari grein. Það er ekki alvitlaust að hringja í lögregluna til að fá upplýsingar um póstnúmer á lögreglustöð þó víst hefði maðurinn átt að hringja í skiptiborð lögreglunnar frekar en neyðarsímann.

Ég skil hins vegar vel konuna sem hringdi til að kvarta undan gusunni. Það er ljótt mál og betra að taka á því strax.

Hringdi í neyðarsíma lögreglu vegna lögunar kanínueyra