Hættu þessu væli, maður

Þetta þykir mér nú koma í hörðustu átt. Frjálslyndi flokkurinn, sem kýs að kalla sig svo, er lítið annað en sjálfstæðismenn í fýlu. Sverrir Hermannsson stofnaði flokkinn þegar hann var í fýlu. Hann fékk Guðjón Arnar í lið með sér og smitaði hann af fýlunni. Ólafur F. fór í fýlu og gekk svo til liðs við hina fýlupúkana. Jón Magnússon var búinn að vera nokkuð lengi í fýlu og tók einnig saman við þessa fyrrum flokksbræður sína.

Að auki má svo nefna fólk sem af eihverjum ástæðum sáu hag sínum borgið hjá fýlupúkunum s.s. Magnús Þór og Sigurjón og einnig fýlupúka úr öðrum flokkum s.s. Grétar Mar og Karl V.

Það er ekkert nýtt að þegar fýlan rennur af fólki þá fer það einfaldlega heim aftur.

Frjálslyndi flokkurinn á ýmislegt sammerkt með Borgaraflokknum og mesta furða að tekist hafi að halda þetta lengi í honum lífinu. Nú er hann hins vegar orðinn óttalegt skar og stefnulaus sem fyrr. Það er því ekki að furða þó fólk finni sér skjól annarsstaðar. Til þess þarf engar mútur, Guðjón Arnar.

Ná fólki frá okkur með mútum eða öðru

Vanhæfir fréttamenn

Ég sat nú undir þessari ræðu og án þess að ég leggi á hana efnislegt eða siðferðislegt mat þá verð ég að segja að hún var djesk... fyndin og skemmtileg.

Hins vegar sér maður nú hvernig orðrómurinn fer af stað. Norðmenn slá upp frétt, sem algerlega vanhæfur þýðandi hefur farið höndum um, og nú gengur fjöllum hærra vestan Atlantsála að Davíð hafi kallað Svein "drullusokk". Það vita þeir sem vilja vita að hann kallaði manninn "lausamann" og það er fjarri að hægt sé að leggja þessi tvö orð að jöfnu.

Því fer einnig fjarri að Davíð hafi líkt sér við Krist. Þvert á móti. Og fréttamenn, sem halda öðru fram, hafa annað tveggja ekki hlustað á ræðuna eða mistúlka hana vísvitandi til að búa til safaríkari frétt.

Annars þarf ekki mistúlka neitt í þessari ræðu, hún er nógu safarík fyrir... án þess, eins og áður sagði, að ég sé að leggja efnislegt eða siðferðislegt mat á hana.

Norskir fjalla um ræðu Davíðs

Hvatning

Þetta var krafmikil og hvetjandi ræða. Kristján er metnaðarfullur, kappsamur og bjartsýnn leiðtogi.

 

Þurfum nýtt sverð

Fylgjumst spennt með...

Þá hafa frambjóðendur í embætti varaformanns lokið ræðum sínum og nú taka við ræður formannsframbjóðenda.

Svo hefur Davíð Oddsson einnig kvatt sér hljóðs. Spurning hvort við fáum enn einn frambóðanda í formannsembættið.

Skattmann er mættur aftur

Stefnulaus spunaflokkur

Svo Samfylkingin þarf að ná betur til ungs fólk. Stefna og hugsjónir hafa aldrei verið Samfó til trafala. Hjá þeim gildir bara að ná fylgi með góðu eða illu.

Aðrir flokkar án peningastefnu

Skilaboð af landsfundi

Beztu kveðjur frá landsfundi Sjálfstæðisflokksins.

Hér er landsfundarvinnan í fullum gangi. Ályktundardrög málefnanefnda flokksins hafa nú verið til umræðu í starfshópum og endanlega drög eru byrjuð að berast til frekari umfjöllunar í sal.

Svo er bara að sjá hvort manns eigin tillögur um ýmis hjartans mál hljóta náð hjá landsfundarfundarfulltrúum.

Bíðið frekari frétta, kæru lesendur.

Sjálfstæðisflokkurinn stendur undir nafni

Það er gaman hér á landsfundi Sjálfstæðisflokksins, eins og vera ber.

Æðsta vald Sjálfstæðisflokksins, landsfundur, hefur talað hreint út í viðkvæmu máli. Flokkurinn telur að sem fyrr sé hagsmunum Íslands ekki bezt borgið í Evrópusambandinu.

Þetta eru skýr skilaboð til kjósenda. Sjálfstæðisflokkurinn er valkostur þeirra sem vilja standa vörð um sjálfstæði þjóðarinnar.

Þjóðin fái að skera úr um ESB-aðild

Andhverfa réttarríkisins

Er réttarríkið að snúast upp í andhverfu sína?

Hinum grandvara borgara, sem að eigin frumkvæði kemur upp um grunsamlegt athæfi, er refsað.

Þeim sem villti á sér heimildir til að svíkja út fé, sem hugsanlega átti að nota til glæpsamlegs athæfis, er hampað.

Er vestrænt samfélag orðið firrt?

Dæmdur eftir að hafa sagt til barnaníðings

Nei, ekki evru... allt annað en evru!

Vera kann að það sé nauðsynlegt að skipta um gjaldmiðil. En hversvegna þarf það endilega að vera evra?

Fyrir um 30 árum síðan var hér verðbólga og það voru gjaldeyrishöft, já og fólk hlustaði líka á ABBA og Villa Vill, rétt eins og síðastliðið haust. Þá var líka fólk, sem hafði hátt og taldi einu lausnina vera að skipta um gjaldmiðil. Munurinn var bara sá að þá vildi fólk skipta yfir í bandaríkjadal. Og hvaða rök voru fyrir því? Jú, einmitt þau að bandaríkin voru okkar helzta viðskiptaland.

Núna eru sömu aðstæður uppi. Verðbólga, gjaldeyrishöft og æði fyrir ABBA og Villa Vill er nýgengið yfir. Já og fólk vill skipta um gjaldeyri, nema núna á það að vera evra. Hvaða rök hefur maður heyrt fyrir því? Jú, viðskipti okkar við Evrópusambandið eru svo mikil.

Við búum í síbreytilegum heimi og það verða að vera sterkari rök en viðskiptaumhverfi dagsins í dag sem mæla frekar fyrir einum gjaldmiðli en öðrum.

Það þarf að skoða fleiri kosti en evru og það má alls ekki rjúka inn í Evrópubandalagið til þess eins að geta skipt um gjaldmiðil. Til þess er allt of mikið í húfi.

Athuga má kosti eins og norska krónu, svissneskan franka, bandaríkjadal og jafnvel brezkt pund, þó Bretar séu engir sérstakir vinir okkar.

Eins og ég sagði áðan þá þurfa að vera sterkari rök en gjaldeyrisupptakan ein fyrir því að ganga í Evrópusambandið. Við þurfum líka að hafa í huga að það yrði í óþökk sambandsins að taka hana upp einhliða og þá er kannske hætt einhverjum viðskiptahagsmunum og betur heima setið en af stað farið.

Noregur og Sviss eru lönd sem eru bæði í EFTA, rétt eins og Ísland, og því ekki alvitlaust að kanna þá kosti. Þá má einnig hafa í huga að Noregur er jafnframt aðili að EES-samningnum og helztu útflutningsafurðir þeirra eru fiskur og orka. Það gerir norska krónu jafnvel enn áhugaverðari.

Ef það er svona fýsilegt að tengjast evrunni þá má einnig skoða pundið. Bretland er aðili að Evrópusambandinu, þó hafi ekki tekið upp og virðist ekki ætla að taka upp evru. Með því að taka upp brezkt pund eða tengjast því á annan hátt værum við þá um leið að tengjast gengi evrunnar í gegnum þriðju mynt.

Einfaldast væri þó líklega að taka upp bandaríkjadal. Annað eins hafa aðrar þjóðir gert til lengri og skemmri tíma. Dalurinn myndi líklega leyfa okkur mestan sveigjanleika og væri tvímælalaust ákjósanlegastur ef auka á viðskipti við Austurlönd fjær.

Svo er bara að styrkja krónuna á fullu meðan við komumst að niðurstöðum um myntskiptin. Því hún þarf að vera sterk gagnvart þeim gjaldmiðli sem tekinn verður upp, ef til þess kemur, svo við fáum eitthvað fyrir hana.

Evran komi í stað krónunnar

Slæmt mál

Þetta þykja mér slæm tíðindi. Ekki svo að skilja að málefni ASÍ séu mér sérstaklega hugleikin eða að ég sé eitthvað áhugasamur um frambjóðendur Framsóknarflokksins.

Mér þykir slæmt að verið sé að hefta framgang lýðræðisins, mér þykir slæmt þegar fólk er látið gjalda stjórnmálaskoðana sinna og mér þykir slæmt að samtökum sem kenna sig við alþýðu landsins sé stjórnað af slíkri harðstjórn, valdbeitingu og skoðanakúgun.

Sé rétt eftir þér haft, Gylfi, átt þú að biðjast afsökunar og fara sjálfur í frí meðan þetta mál er rannsakað. Er þetta kannske þankagangurinn hjá þínum eigin stjórnmálaflokki?

Leit á þátttöku sem uppsögn