Gott mál

Að sjálfsögðu á Sjálfstæðisflokkurinn að axla ábyrgð. Að sjálfsöðu ber flokknum að taka sjálfan sig til rækilegrar endurskoðunar.

Það er þroskamerki að geta metið stöðuna og bent á hvað hefði mátt vera betur eða öðruvísi gert. Þannig læra menn af reynzlunni og þannig á mannkynið einnig að geta lært af sögunni.

Menn skulu hins vegar varast að líta svo á að öllum öðrum hafi þar með verið gefin syndaaflausn. Allt samfélagið þarf að taka sig til endurskoðunar. Allir stjórnmálaflokkar, aðilar vinnumarkaðarins, fjármálastofnanir... allir þurfa að skoða sín mál.

Ég er stoltur af því að Sjálfstæðisflokkurinn skuli ríða á vaðið.

„Flokkurinn þoli stór orð"

Athugasemdir

[Finnur Bárðarson, 2.3.2009 kl. 17:26]

Það er þetta að læra af reynslunni. Ég verð að viðurkenna að ég er skelfilega slæmur í þeirri kúnst. Endurtek sömu mistökin aftur og aftur. Er þó alltaf að reyna að bæta mig. En vona sannarlega að aðrir hafi meiri þroska en ég.

Kveðja

[Emil Örn Kristjánsson, 2.3.2009 kl. 20:30]

Já, það er svona, Finnur sæll. Stundum þarf maður að fá að taka prófið nokkrum sinnum áður en maður nær því.

Við skulum samt vona að við lært höfum okkar lexíu.