Orkuveitan getur ekki farið á hausinn...

Þetta er náttúrulega laukrétt hjá Hönnu Birnu. Það er einfaldlega ekki réttlátt að skella öllu á neytendur.

Mér þótti háalvarlegt að heyra sagt að Orkuveitan yrði aldrei gjaldþrota því þar gætu menn alltaf hækkað gjaldskrána og látið orkukaupendur (les. neytendur) borga.

Hverslags hugsunarháttur er þetta eiginlega? Látum fólki bara blæða! Það eru einu lausnir þeirra sem nú ráða hjá ríki og borg þ.e.a.s. Samfylkingunni.

Almenningur lætur ekki bjóða sér hvað sem er og alls ekki svona viðhorf. Það kemur þá bara að því að fólk hættir að nota heita vatnið og fer í Öskjuhlíðina og Heiðmörk og nær sér í timbur. Síðan verða settir langeldar að fornum sið í híbýli Reykvíkinga.

Hanna Birna: Íbúar geta ekki tekið meira á sig

Athugasemdir

[ViceRoy, 26.8.2010 kl. 22:44]

Síðast þegar ég vissi, þá var sett frumvarp fyrir nokkrum árum sem átti að gera öðrum orkuveitum kleift að geta selt sína orku til hvers þess sem vildi við þá skipta. Í kjölfarið (sem og þáverandi ráðherra gerði sér grein fyrir) hækkaði orkuverð talsvert.  Ekki hef ég ennþá séð það að maður geti keypt orkuna hvaðan sem maður kýs.. maður verður einfaldlega að kaupa af orkuveitunni... 

Á fyrirtæki sem er í opinberri eigu að mestu (ohf) að geta fjárfest eins og þeir vilja bara, sem getur hins vegar kostað það að notendur þeirrar orku sem þeir selja, þurfi síðar að gjalda fyrir, vegna offjárfestingar og slæmrar lántöku fyrrum stjórnenda?  Ekki ósvipað og þegar þeir hækkuðu verðið á heita vatninu því það var svo lítil notkun á því vegna hlýs sumars eða veturs... 

Guð forði okkur hins vegar frá því að orkar komist eingöngu á einkamarkað, því eins og gefur að skilja, yrði hér einföld einokun... að geta einfaldlega ekki kosið hvaðan maður kaupir orkuna, er auðvitað lítið annað en fáranlegt!