Já, einmitt...

Ég er nú sjálfur frekar ósáttur við Jón Ásgeir og mér gæti því varla verið meira sama við hvern hann er ósáttur.

Reyndar held ég að Jóni Ásgeiri gæti ekki verið meira sama þó ég sé ósáttur við hann. Satt að segja held ég að Jón Ásgeir átti sig einfaldlega ekki á því að stór hluti þjóðarinnar er ósáttur við hann.

Það hversu sáttur eða ósáttur Jón Ásgeir er við kvikmyndgerðarmanninn mun hins vegar ekki hafa nein áhrif á það hvort ég muni sjá umrædda mynd.

Ég efast um að ég hafi nokkurn áhuga á henni. Það hefur nefnilega sýnt sig að málefnaleg umfjöllun um atburði eins og þá sem hér um ræðir er vart möguleg fyrr en eftir einhvern tíma, þegar tilfinningaöldurnar hefur lægt.

Ósáttur við höfund Guð blessi Ísland

Athugasemdir

[Finnur Bárðarson, 2.10.2009 kl. 18:00]

Vonandi er sá tími liðinn að hann geti kúgað fólk til hlýðni. Vona að kvikmyndagerðarmaðurinn lúffi ekki.

[Emil Örn Kristjánsson, 2.10.2009 kl. 18:03]

Varla héðan af, Finnur.

[Andri Geir Arinbjarnarson, 2.10.2009 kl. 22:40]

Jón Ásgeir þarf á áfallahjálp að halda.  Hann hefur alltaf verið númer eitt hér á landi og allir bukkað og beygt sig fyrir honum og hann hefur alltaf getað skipað fólki fyrir.  Nú er hann allt í einu núll og nix.  Ætli þetta séu ekki viðbrigði?

[Eygló, 3.10.2009 kl. 01:28]

Hvað opinberaði drengurinn þessa stuttu stund sem hann var einn fyrir framan vélina?

Ekki fannst mér hann gera neitt af sér - aldrei þessu vant. hehe