Spyr sá sem ekki veit

Samúð mín er öll hjá Erlu og ég samgleðst henni að hún skuli nú vera laus við þetta mein.

Mig langar samt að gera tvær athugasemdir:

Í fyrsta lagi, hvað á fyrisögnin skylt við efni greinarinnar? Þar kemur fram að aðgerðin hefur verið gerð og heppnast, að hún kostaði 90.000,- krónur og að engar tryggingar hafi náð yfir þennan kostnað. Fyrirsögnin gefur hins vegar til kynna að einhversstaðar hafi komið til utanaðkomandi greiðsla, sem hvergi er minnst á í greininni.

Í öðru lagi furða ég mig á svari Sjúkratrygginga Íslands þar sem fram kemur að þær: "...taki aðeins þátt í kostnaði við tannlækningar sé „tannvandi sannanlega afleiðing fæðingargalla, sjúkdóms eða slyss". Ég er ekki læknismenntaður maður en er æxli ekki sjúkdómur? Spyr sá sem ekki veit.

„Hefði aldrei getað greitt þetta“

Athugasemdir

[Púkinn, 30.4.2009 kl. 12:15]

ef þú lest alla greinina í Morgunblaðinu, þá kemur fram þar að hún fékk lan hjá foreldrum sínum til að borga fyrir aðgerðina.

[Sæmundur Bjarnason, 30.4.2009 kl. 12:20]

Það er rétt hjá Emil að ekki er minnst á þetta á mbl.is. Eru allir skyldugir til að lesa Moggann sjálfan eða hvað? Ekki geri ég það enda þarf að borga fyrir þau forréttindi eftir því sem ég best veit.

[Steini (IP-tala skráð) 30.4.2009 kl. 19:08]

Það er hægt að lesa Moggann án þess að borga fyrir það.

Um árabil hef ég farið á fætur á undan nágranna mínum og tekið blaðið hans. Hann grípur skiljanlega í tómt hálftíma síðar þegar hann fer á fætur. Skilur ekkert í þessu, hringir í áskriftardeildina og fær annað blað sent um hæl.

Strákar, veriði nú soldið útsjónarsamir.

[Ragnar Martens, 30.4.2009 kl. 21:03]

Það ert þá þú sem hefur tekið mitt blað í öll þessi ár.

Ég þjófkenndi gömlu konuna við hliðina á þér fyrir það.