"Lína" hvað?

Vitið þið hvað? Mér er eiginlega alveg sama. Ég hef aldrei skilið þessar "fatalínur". Hvað er eiginlega verið að tala um? Er þetta svona eins og Mávastellið eða eitthvað svoleiðis, þar sem hægt er að fá hvern einasta hlut sem við á í sömu "línu"? Eða er þetta svona eins og bifreiðagerðir þar sem hægt er að fá aðeins betra af hverju hlut... svona eins og Toyota Yaris Terra eða Toyota Yaris Sol? Og hverju má svo búast við af téðum Gallagher? Segir nafn hans eitthvað til um hvernig viðkomandi lína mun líta út?

Spyr sá sem ekki veit.

Enn og aftur, ég skil ekki þessar "fatalínur" eða þessi nöfn sem fötin kallast; Armani, Boss eða Lagerfeld. Sjálfur kaupi ég föt með hliðsjón af því hvort mér finnist þau fara mér (með fullu tilliti til álits eiginkonu minnar), hvort mér líður vel að klæðast þeim og hversu hagkvæm þau eru í innkaupum. Kannske er ég gamaldags og kannske er ég bara "lummó" í klæðaburði en ég er sáttur og það eitt er nokkuð mikils virði.

Kominn í tískuna

Athugasemdir

[Eygló, 20.3.2009 kl. 15:18]

Hef ekki áhuga eða áhyggjur af neinum, nema lánalínunum.

[Finnur Bárðarson, 20.3.2009 kl. 15:36]

Ég hef leitað án árangurs að góðri og köflóttri bómullarskyrtu. Þær eru greinilega ekki á línunni. Ég vil ekki neinar fjandans línu. Bara góða skyrtu.

[Hildur Helga Sigurðardóttir, 20.3.2009 kl. 21:14]

Þetta minnir mig á, að þegar ég bjó í Bretlandi var frægt fólk stundum fengið til að vera með dálka í dagblöðum.  Oft var viðkomandi "selbiti" ekki sendibréfsfær og því einhver undirtylla á blaðinu fengin til að skrifa dálkinn í hans/hennar nafni.

Ætli það verði ekki eitthvað sambærilegt með línuna hans Liams...

-og kann hann nema á eina tegund af línum ?

[Eygló, 23.3.2009 kl. 01:19]

Hvernig ætli það yrði skilið nú til dags ef maður bæði annan að senda sér línu?