Málfarshornið

Það er ekki eins og ég hafi ekki minnst á þetta áður. Í ljósi umræðunnar vil ég þó enn ítreka:

Þekkir enginn lengur orðin "reyndur" og "óreyndur" ? Orðskrípin"reynzlumikill" og "reynzlulítill" tröllríða allri umræðu.

Athugasemdir

[Eygló, 6.3.2009 kl. 01:37]

... reynslulaus og óreyndur er ekki alveg nákvæmlega það sama í hugum fólks (margs)

... reynslumikill er gilt orð en reynslulítill finnst varla. Er þetta ekki gert til að stytta úr "býr yfir mikill reynslu" "hefur ekki öðlast reynslu í þessu..."

Hitt get ég sannarlega skrifað undar að það er óþolandi þegar setningar og orðaforði flyst milli fólks eins og pestin sjálf; allir nota samskonar orðtak.

Hefurðu séð hér á blogginu þá sem nota "z" í stað "s" í öllum eða flestöllum orðum?  Ég get ekki lesið slíkan texta og finnst hálfvitalegt að reyna að sýnast sérstakur með svona dellu. (Hef hent út "vini" vegna þess arna)

[Emil Örn Kristjánsson, 6.3.2009 kl. 16:52]

Já, Eygló

Ég er sammála þér með þá sem þykjast vera sniðugir og rita z í stað s í öllum orðum. Svona stælar er einfaldlega "pirrandi". Sjálfur rita ég reyndar z, en það er vegna þess að ég kýs að nota þá stafsetningu sem mér var kennd í skóla.

[Eygló, 7.3.2009 kl. 03:24]

"z" notuð skv. "réttum reglum" er ekki til lýta. Frekar sérviska sem á þó fullkomlega rétt á sér.