Of sein...

Ætli maður hefði ekki drifið í að greiða upp Íbúðasjóðslánið, þó ekki væri annað.

Milljarðar birtust á reikningnum

Athugasemdir

[Emil Örn Kristjánsson, 25.2.2009 kl. 19:39]

Þakka þér fyrir innlitið, Börkur Hrafn. Það er líka greinilegt að þú þessi dæmigerði þurrprumpulegi vinstrimaður. Líklega einn af þeim sem telur til mannkosta ganga um með vandlætingar- og harðlífissvip.

Blessaður líttu sem oftast við. Það er svo gaman þegar þú ferð.

[Emil Örn Kristjánsson, 25.2.2009 kl. 20:01]

Blessaður, Börkur. Svo þú ert hér enn.

Ósköp hlýt ég að hafa stuðað þig. Gættu samt að því að þú reiðst á vaðið. Það þarf nú að vera svolítið mikið upptekinn af eigin vandlætingu til að geta skilið örstutta athugasemd mína við broslega frétt sem einhverskonar vísbendingu um slæmt innræti stærstu stjórnmálahreyfingar landsins.

Þú ert snillingur.

[Finnur Bárðarson, 25.2.2009 kl. 20:57]

Þegar menn kíkja í heimsókn þá sakar nú ekki að vera kurteis, mér var kennt það einu sinni. En kanski er ég bara gamaldags

[Emil Örn Kristjánsson, 25.2.2009 kl. 21:08]

Já, Finnur, líklega ertu gamaldags en það er ekki verra.

Auðvitað á maður að vera kurteis við gesti sína. Reyndar á maður að vera kurteis við fólk yfirleitt.

En svo verður manni stundum á að svara fullum hálsi þegar svo ber undir... það er náttúrulega ekki til fyrirmyndar.

[Emil Örn Kristjánsson, 26.2.2009 kl. 00:11]

Allt hefur sinn stað og tíma, Börkur. Ég get vel leyft mér að munnhöggvast við menn (karla og konur) innan ákveðinna marka hér á vefriti mínu. Sérstaklega þegar mér þykir ómaklega vegið að mér og mínum. Samskipti við börn í skóla fara fram á allt öðrum forsendum og ættu flestir að kunna að greina þar á milli... ekki sízt þú sjálfur.

Ég leyfi mér því að ætla að þú látir hjá líða að innræta þeim börnum er þú leiðbeinir hugmyndir þínar um meinta stelsýki okkar sjálfstæðismanna.

Þessi örstutta færsla mín, sem hefur nú kallað á meiri umræður en margar af lengri og alvarlegri færslum mínum,  var upphaflega sett inn sem saklaust grín. Enda tengd við frétt sem á var á engan hátt viðkvæm og ætti ekki að særa neinn.

Það kom mér því á óvart að til væri fólk sem gæti lagt jafn meinlega út frá einni, að mínu mati, sakleysislegri málsgrein. Auðvitað stuðaði það mig.

Ég vil einnig að það komi fram að orð eins og "þurrprumulegur", "vandlætingarsvipur" og "harðlífissvipur" eru samkvæmt minni máltilfinningu og í þessu samhengi eilítið kaldhæðin og á engan hátt jafn meiðandi og að vera þjófkenndur. Þó ekki beri að skilja það svo að ég sé að eðlisfari hefnigjarn og telji þig eiga inni hjá mér. Fjarri því.

Það að menn (karlar og konur) gegni ábyrgðarstörfum eða séu í forsvari þýðir ekki að þeir þurfi að ganga um með harðlífis- og vandlætingarsvip gersneyddir skaphöfn, kímni og baráttugleði.

En ég er þakklátur ábendingu Finns um að gestum manns beri að sýna kurteisi. Því bið ég þig, án allrar kaldhæðni og einlæglega, vel að lifa og óska þér góðrar nætur.

[Sólveig Þóra Jónsdóttir, 26.2.2009 kl. 01:13]

Frábærlega svarað hjá þér Emil í athugasemd nr. 2 ég lá í krampa af hlátri. Þessir blessuðu vinstri vængir sjá nefnilega skít í hverju horni og ef þeir sjá hann ekki þá búa þeir hann til.

[Kjartan (IP-tala skráð) 26.2.2009 kl. 03:55]

POLITYSKT SORP

[Villi Asgeirsson, 26.2.2009 kl. 09:24]

Sjaldan hef ég talist hægri sinnaður og aldrei kaus ég sjallana, en ég verð að styðja Emil í þessu harki. Ég las færsluna sem saklaust grín. Held maður þurfi að vera ansi pirraður til að sjá það ekki. Nema ég sé að falla fyrir sjöllunum í seinni tíð. Nei, varla.

Ég gerði athugasemd á öðru bloggi þar sem ég sagðist myndu setja peningana inn á reikninga á Tívolíeyju, láta mig hafa djeilið í einhvern tíma og lifa svo í vellystingum eftir það. Vona að enginn hafi tekið það alvarlega...

Ég er fullkomlega sammála um að fólk eigi ekki að setja upp heilagan harðlífissvip um leið og það er ráðið í trúnaðarstörf.

[Emil Örn Kristjánsson, 26.2.2009 kl. 13:10]

Það er nú spurning hvað sumum finnst grín og sumum ekki. Greinilega þótti einhverjum athugasemdir mínar skemmtilegar þó þú hafi ekki ekki skilið í þeim broddinn.

Þótti mér viðbrögð þín við tilsvari mínu gefa til kynna þér væri fúlasta alvara og fæ enn ekki séð betur en að svo hafi verið.

Nú tel ég þó mál að linni orðaskiptum þessum vettvangi. Það gæti komið að því að sumir hættu að vera fyndnir og verið einfaldlega hlægilegir og lokum leiðinlegir.

[Finnur Bárðarson, 26.2.2009 kl. 16:48]

Emil ég meinti þetta öfugt gestirnir eiga að vera kurteisir :) Mér sýnist þú bara vera gestrisinn. Og færslan var bara notalegt grín.

[Finnur Bárðarson, 26.2.2009 kl. 16:54]

Bara smá viðbót Emil. Ég les bloggið þitt af áhuga þó ég sekki endilega sammála. Ég þekki þetta sjálfur. Þegar maður skrifar örstutta færslu fær maður flóð af athugasemdum sem hafa oftast ekkert með færsluna að gera. Það pirrar mig

Kveðja

[Emil Örn Kristjánsson, 26.2.2009 kl. 21:34]

Þakka þér fyrir, Finnur og vertu ævinlega velkominn.  Sem betur fer eru menn ekki alltaf sammála. Þá væri lítið gaman að lifa og okkur myndi líklega ekki fara mikið fram. En heilbrigð og hressileg skoðanaskipti eru alltaf af hinu góða.