Ekkert endilega tónlistarhús... bara eitthvað

Ég ímynda mér að það sé nú ekki hundrað í hættunni þó það tefjist eitthvað að byggja yfir fleiri tóm sæti. Hins vegar verður að gæta þess að bæði ríki og borg (og að sjálfsögðu bæir og sveitir) haldi ótrauð áfram framkvæmdum og pumpi í þær fé.

Það er betra að borga fólki svolítið meira fyrir að skapa einhver verðmæti, s.s. tónlistarhús, vegi, hafnir, skóla o.fl., en að borga því bætur meðan það situr aðgerðarlaust heima.

Núna á hið opinbera á einmitt að framkvæma sem aldrei fyrr.

Tónlistarhús gæti tafist um ár

Athugasemdir

[Hlöðver Sigurðsson (IP-tala skráð) 10.12.2008 kl. 18:07]

Að styrkja menninguna á Íslandi, og gera tónlistarmenningu á Íslandi ekki hlægilega fyrir erlent tónlistarfólk að þá er þetta mjög verðmætt verk. Þetta á bara eftir að styrkja tónlistarskynjun í öllu íslandi með að geta boðið uppá veglega tónleika.

[Beturvitringur, 10.12.2008 kl. 23:14]

Verður maður ekki að lufsast til þess að sjá meininguna með því að halda þessu sem vinnustað og vera eilítil smurning á "hjól atvinnulífsins"  Hef eiginlega alltaf verið á móti þessari byggingu, fyrr en núna. Ef þér finnst ég bregðast einkennilega við, get ég sagt þér skýringuna: Er Íslendingur (þeir allir orðnir ruglaðir)

[Emil Örn Kristjánsson, 11.12.2008 kl. 10:57]

Ég gerði mér ekki grein fyrir því að tónlistarmenning á Íslandi væri athlægi annara þjóða. Mér þykja þetta fréttir ef rétt er.

Hins vegar ítreka ég bara: Hið opinbera á alls ekki að minnka framkvæmdir, þvert á móti. Skapið vinnu fyrir þá sem hafa misst hana með því að stórauka opinberar framkvæmdir. Þá skapast verðmæti fyrir peningana sem ríkið þarf hvort sem er leggja í atvinnuleysisbæturnar og það verða færri fyrir því áfalli að verða atvinnulausir. Það er nefnilega ekkert grín.