Það munar ekki um það!

Níuhundruð íbúðir, það munar nú um minna. Eru ekki íbúar Hveragerðis eitthvað um 2300 manns? Segjum svo í hverri íbúð búi að meðaltali þrír (sem er líklega varlega áætlað) þá virðast menn ætla að meira en tvöfalda íbúafjöldann á skömmum tíma.

Já, það er ekki hægt að segja annað en menn (konur og karlar) séu stórhuga og fullir bjartsýni þarna fyrir austan fjall. Strætó bjargar nefnilega öllu.

Ætli þeim sé ekki óhætt að slá nokkur hundruð íbúðum á frest í einhvern tíma. Með fullri virðingu fyrir Hveragerði, sem ég held að sé mikill sómabær, þá ímynda ég mér að hér sé svolítið stór biti á ferð, sem ekki verður tekinn í einni munnfylli.

900 byggingum slegið á frest

Athugasemdir

[Beturvitringur, 19.9.2008 kl. 01:05]

Hvers vegna sjá flestir Jónar og Gunnur bilunina (sem var) í húsbyggingum en ekki þeir sem þurft hefðu að geta séð fótum sínum forráð; yfirvöldum og byggingarmeisturum og -verktökum?

Allir hrópuðu upp yfir sig þegar byggingakranar stóðu uppúr öllum hverfum eins og puntstrá í túni. Allt hélt samt áfram. (horfa framhjá alhæfingum)