Kveifar!

Óttalegir aumingjar eru þetta... og þvílík della að lundinn sé í útrýmingarhættu. Mér skilst að það séu um 10.000.000 lunda bara hér á Íslandi, langstærsti fulgastofn landsins. Ef það má ekki veiða úr honum þá er eins gott að við hættum alfarið að veiða fugla.

Lundinn er vissulega mjög áhugaverður og fallegur fugl... mér liggur við að segja sætur. Það eru blessuð litlu lömbin líka og hreindýrin er tígurleg. Það breytir því ekki að þetta er matur, meira að segja er lundinn mjög góður matur.

Það er rétt að fara varlega við nýtingu villtra dýrastofna svo tilveru þeirra sé ekki ógnað en forðast um leið alla viðkvæmni og tilfinningasemi í slíkri umræðu.

Áhorfendum hryllti við lundaáti Ramsay

Athugasemdir

[Aprílrós, 16.9.2008 kl. 09:47]

já sammála þessu.

[Nonni (IP-tala skráð) 16.9.2008 kl. 11:04]

Heyrðu nú Emil, hryllir þig ekki við neinu í matarsiðum sumra þjóða?

Má bjóða þér hund á asíska vísu, nú eða heila úr apa sem enn er að drepast þegar skeiðum er stungið í heila hans ? viltu bragða á rottum ala Bombay?

Það er rétt að fara varlega við fordæmingu á skoðunum fólks og forðast um leið alla viðkvæmni og tilfinningasemi við skoðunum þess á háttum okkar sjálfra.

Það var þó betra í den þegar menn sem ekki voru plagaðir af tilfinnigasemi fóru út í Eldey að draga sér björg í bú.

Bið þig vel að lifa kæri vin !

[Emil Örn Kristjánsson, 16.9.2008 kl. 12:19]

Blessuð, Krútta, gott að vita að við erum sammála.

Sæll, Nonni. Spurningin er ekki um það hvort mig hryllir við einhverjum matarsiðum annara þjóða. Reyndar held ég að ég sé ekki sérlega viðkvæmur þegar kemur að mat og matarvenjum og hef meðal annars hakkað í mig sólþurrkaða loðnu og selspik, svínsheila, froskalappir, kolkrabba og margt fleira. Ég er að vísu hættur borða kálfsheila eftir að umræðan um kúariðu kom upp.

Málið er að ég er ekki maður til þess að hringja í Ríkissjónvarpið til að hneykslast þó þeir sýni einhverja meðbræður mína eða systur vera að gæða sér hundslæri eða apaheila, ef það er fyllilega eðlilegt á þeirra menningarsvæði. Hugsanlegan hrylling minn eða vandlætingu verð ég að hafa fyrir mig meðan ekki er vísvitandi verið að ofbjóða áhorfendum.

Það ber líka vott um agalega móðursýki að bera það fyrir sig að lundinn sé í útrýmingarhættu. Því fer fjarri. Vísa annars í það sem ég hef ritað fyrir ofan hvað slík mál varðar og sýnist við vera nokkuð sammála þegar öllu er á botninn hvolft.

[Pálmi Freyr Óskarsson, 16.9.2008 kl. 17:02]

Geldfuglinn 0-4 ára hér í Vestmannaeyjum er nánast útrýmdur orðinn. Og núna er varpfuglinn 4+ ára aðaluppistaða lundaveiðar, sem þýðir að lundapysjan missir af fæðuöflurnar og deyr. Og þá er fljótt að fækka í stofninum.

Við skulum minnast hvernig fór fyrir geirfuglinn.