Sóun!

Ég tek undir með Höllu kaupmanni. Það er sorglegt að sjá hve fólk getur verið blint fyrir notkunargildi slíkra húsa sem Naustið er. Húsið er veglegt, dæmigert fyrir byggingarsögu borgarinnar og svipmikið. Þarna var eitt sinn fiskverkun og síðar einn elzti veitingastaður borgarinnar. Að breyta slíku húsi í austurlenzkan veitingastað ber ekki vott um mikla hugmyndaauðgi.

Kínverjarnir farnir úr landi

Athugasemdir

[Arnar Steinn , 5.9.2008 kl. 14:30]

Hitt er svo annað mál að Naustið var búið að standa tómt í áraraðir og þessi "menningarverðmæti" voru engum til gagns. Þetta var gott framtak í sjálfu sér að reyna að koma einhverjum rekstri þarna inn og i mínum huga er fáranlegt að kalla þetta sóun. Það var einfaldlega enginn sem treysti sér í rekstur þarna inni, nema kínverska mafían.

[Emil Örn Kristjánsson, 5.9.2008 kl. 14:51]

Auðvitað eru þessar byggingar engum til gagns ef þær standa auðar. Það er hárrétt. En það ber mikilli hugmyndafátækt vitni að engum skyldi detta neitt annað í hug en að opna þar einhvern kínastað frekar en að nýta sér þá sérstöðu sem húsið hefur upp á að bjóða.

[Arnar Steinn , 5.9.2008 kl. 17:27]

Það var án efa mörgum sem datt eitt og annað í hug. Ég held þú áttir þig bara ekki á því hvað þetta er mikið gímald! Það er ofboðslega erfitt að vera með rekstur þarna því þú þarft að leigja þetta af Kalla í Pelsinum og fermeterinn er ekki ódýr. Það er heila málið.