Siðlaust!

Í ljósi þessa úrskurðar er siðanefnd SÍA, að mínu mati, annað tveggja siðblind eða með verulega skerta siðferðiskennd. Auglýsingin er óneitanlega að hvetja til andfélagslegrar hegðunar og upphefja hroka og dónaskap... fyrir utan það að vera bæði ljót og leiðinleg, sem er náttúrulega siðlaust í sjálfu sér.

Braut ekki gegn siðareglum SÍA

Athugasemdir

[Emil Örn Kristjánsson, 3.9.2008 kl. 12:21]

Já, velkominn sjálfur, Vilmundur. Það er 2008, ekki 1978. Það þykir ekki lengur fínt, nema hjá takmörkuðum hópi fólks, að ulla, gefa fingur og telja: "Haltu kjafti" og "drullaðu þér" til kurteislegra orðaskipta.

[Emil Örn Kristjánsson, 3.9.2008 kl. 13:16]

Segir hver, Vilmundur? Mér sýnist nú að þessi síðasta athugasemd þín gæti allt eins verið sjálfslýsing. Hversu laus við kímnigáfu mátt þú ekki sjálfur vera ef þú fyllist slíkri vandlætingu við þessa veffærslu mína? Hver er er að finna sér eitthvað til að nöldra yfir? Hver virðist vera uppfullur af "nöldurvilja"?

Já "nöldurviljinn" er meira segja svo mikill að þú verður að koma að pirringi þínum út í fánalögin, þó þau hafi alls ekki verið til umræðu!

Hversu alvarlega getur nokkur maður tekið setningu eins og:"... fyrir utan það að vera bæði ljót og leiðinleg, sem er náttúrulega siðlaust í sjálfu sér"? Þarf maður virkilega að garga "grín" í hvert skipti sem maður gerir að gamni sínu svo sumir fyllist ekki réttlátri reiði?

Ekki þar fyrir að ég stend við það að þessi auglýsing upphefur andfélagslega hegðun, rétt eins og pönkið gerði, og gríngildi hennar fer líklega fyrir ofan garð og neðan hjá þeim sem ekki þekktu pönkið á sínum tíma.

Að lokum: Ég er mjög sáttur við fánalögin. Þau eru bara fín eins og þau eru og sé enga ástæðu til að breyta þeim.