Nei, hættu nú alveg, Ólafur!

Hvaða skæruhernað þykist Ólafur nú vera kominn í? Útbíar fyrrum samstarfsfólk sitt auri með lygum, hálfsannleik og hagræðingum og hvítþvær sjálfan sig í leiðinni.

Maður lifandi, hvað þetta hefur verið vont fólk sem Ólafur vann með og maður lifandi hvað hann hlýtur að hafa verið annað tveggja bláeygur eða samsekur ef satt væri.

Passaðu þig nú, Ólafur F. að skjóta þig ekki í fótinn og hugsaðu áður en þú talar. Þetta eru bæði ljótar og óþroskaðar baráttuaðferðir og segja meira um þá sem beita þeim en þá sem þeim er beint gegn.

Fjöldauppsagnir ekki á döfinni hjá borginni

Athugasemdir

[Ásdís Sigurðardóttir, 20.8.2008 kl. 00:04]

EKki frá sjálfstæðismönnum, það er ég viss um.  Vinstri deildin er yfirleitt duglegri að mata Gróu.

[Hjördís Þráinsdóttir, 20.8.2008 kl. 09:22]

Gleypt' ekki flugu... [flissar]

[365, 20.8.2008 kl. 11:49]

Þarna er manninum rétt lýst, hann gengur ekki á öllum, síst þegar hann er farinn að gaspra um trúnaðarmál á blaðamannafundum sem eru minnispunktar en ekki framkvæmdaáætlun. 

[Dunni, 20.8.2008 kl. 14:58]

Þú leggst lágt ef þú ætlar að kenna Ólafi um hvernig fór fyrir síðasta meirihluta. Reyndu að muna hvernig til hans var stofnað.Það var ekki Óalfur sem seldi 75% af kosningaloforðum sínum til að komast að völdum í Reykjavík.  Það gerði Sjálfstæðisflokkurinn.Ólafur var duglegur við að hæla sér af því, í tíma og ótíma, að hann hafi komið 75% af kosningaloforðum sínum inn í málefnasamninginn sem hann gerði við Sjálafstæðisflokkinn.  Og það ar meðvituð taktík hjá Ólafi.  Hann vildi að borgarbúar vissu hve lágt fyrrum flokksbræður hans og systur lögðu sig til að koma Tjarnarkvartettinum frá völdunum eftirsóttu.Það lýsir best hinum bláeygu sjálfstæðismönnum að þeir voru búnir að gleyma hve þrjóskur og ósamvinnuþýður Ólafur er.  Þeir gerðu málefnasamninginn við Ólaf og hann sem borgarstjóri gerði ekkert annað en að halda sig við þann samning upp á punkt og prik.  Nokkuð sem Sjálfstæðisflokkurinn reiknaði aldrei með.  Ólafur F er enginn Framsóknarflokkur sem aldrei hefur verið annað en strengjabrúða í höndum Sjálfstæðisflokksins.  Flokkurinn sá því fram á að hann kæmi ekki einu einasta af stóru kosningamálum sínum í framkvæmd á kjörtímabilinumí samstarfi við Ólaf sem hélt sig við málefnasamninginn.Sjálfstæðisflokkurinn átti því engin önnur ráð en að slíta samstarfinu við Ólaf í þeirri von  að einvher önnur verk en skítverk böðuð í pólitískum óþef yrðu eini minnisvarði þeirra að loknu kjörtímabilinu.En eftir stendur að Sjálfstæðisflokkurinn hefur selt sig í tvígang á þessu kjörtímabili. Og í bæði skptin á brunaútsölu. 

[Guðrún Þóra Hjaltadóttir, 20.8.2008 kl. 18:06]

Auðvitað eru tvær hliðar á þessu máli. Við verðum að líta á þær báðar til að geta dæmt rétt, ef við þurfum að dæma þessu vinnubrögð. Ég held að það væri gott að setja borgarstjórnina svona eins og einn túr á frystitogara og slípa þau soldið til.

[Landfari, 20.8.2008 kl. 19:42]

Minnir að Reynir Traustason hjá DV hafi sagt að sjálfstæðismenn hafi stutt Ólaf þar til hann fór út af sporinu. Hann segir hinsvegar ekkert um hvaða verk það hafi verið eða hvenær. Veit það einhver hér hvað varð Ólafi að aldurtila sem borgarstjára?