Hvað eru menn að kvarta?

Allar frístundafjárfestingar (var ég að finna upp nýtt orð?) hljóta að draga dilk á eftir sér. 

Auðvitað væri ekkert réttlæti í því að maðurinn (karlinn eða konan) á Toyota Yaris bílnum greiddi sama gjald og sá sem ekur skrímslajeppanum með hjólhýsið í eftirdragi. Það þarf ekki nema meðal skynsaman mann til þess að skilja það. Jeppinn með afatan-í-vagninn tekur bæði mun meira pláss og slítur miklu meira malbiki. Ég var að skoða verðskrána hjá Speli og satt að segja finnst mér að hjólhýsaeigandinn megi bara vel við una. Það er frekar að halli á þann í Yaris-bílnum.

Dólgslæti og dónaskapur

Athugasemdir

[Svandís (IP-tala skráð) 24.7.2008 kl. 20:52]

Haaa? Af hverju ættu þau að borga sama verð? Það er löngu búið að borga niður allan kostnað kringum þessi göng, og þeir ætluðu að hætta að rukka þegar það gerðist, en allt kom fyrir ekki. Það kostar hvalfjarðargöngin ekkert meira að manneskja með hjólhýsi keyri í gegn heldur en hver annar bíll.

Hinsvegar er alveg óþarfi að vera með ókurteisi við starfsfólkið, fólk má aðeins hugsa betur útí það.

[Emil Örn Kristjánsson, 24.7.2008 kl. 23:38]

Haaa hvað, Svandís? Hvað áttu við? Ég var einmitt að segja að þeir ættu ekki að borga sama verðið. Samanber: "Auðvitað væri ekkert réttlæti í því að maðurinn (karlinn eða konan) á Toyota Yaris bílnum greiddi sama gjald og sá sem ekur skrímslajeppanum með hjólhýsið í eftirdragi."

Ég ætla ekki að fara út í þá umræðu hvort gjaldtakan eigi rétt á sér eða ekki. Sé tekið gjald er sjálfsagt að stærri bílar með vagna greiði meira. Þeir taka meira rými og þ.a.l. verður afkastageta gangnanna minni miðað við bílafjölda og svo slíta þeir náttúrulega slitlaginu miklu fyrr.

Miðað við að minnsti bíll greiði 800 krónur en farartæka að 8 metrum greiði 1.100 krónur þá finnst mér hallað á litla bílinn. Munurinn mætti vel vera meiri. 

[Svandís (IP-tala skráð) 25.7.2008 kl. 01:49]

Þetta átti nú að vitaskuld að vera "Af hverju ættu þau ekki að borga sama verð" ;)

Meiri slit eða ekki, mér finnst þetta vera eintóm græðgi hjá þessu fyrirtæki og ekkert annað. 

[Kemur ekki málinu við. (IP-tala skráð) 25.7.2008 kl. 11:40]

Svo er auðvitað bara langbest að njóta þess að aka Hvalfjörðinn, eins friðsælan og hann er orðinn, skil ekki hvað fólk þarf ávalt að vera að flíta sér í fríinu sínu.