Skammist ykkar bara.

Það má kannske segja að Bubba komi það ekkert sérstaklega við gegn eða með hverju Björk og aðrir syngja. Það er náttúrulega þeirra mál svo framarlega sem það er ekki eitthvað glæpsamlegt eða í meira lagi siðlaust. Hvort Bubbi á að vera tjá sig um það í blöðum er líka álitamál en honum er fyllilega frjálst að hafa skoðun á því.

Það slær mann hins vegar svolítið hvað liðið í kringum Björk og Sigurrós og allt það er viðkvæmt og hörundssárt og hvað þau geta lagst lágt í andsvörum sínum. Ég er enginn staðfastur aðdáandi Bubba en ég las umrætt viðtal. Þar kom Bubbi hreint fram, því fór fjarri að hann færi einhverju offorsi eða væri eitthvað að stælast við aðra tónlistarmenn. Hann tjáði sig svolítið um peningamál sín og var alls ekki að barma sér en Bjarkar- og Sigurrósarliðið ætti samt að hafa hugfast að fjármál Bubba eru hans einkamál.

Það stendur upp úr að Bubbi var bara málefnalegur í títtnefndu viðtali en viðbrögð ýmissa annara hafa einkennst af ofstæki og skætingi.

Bubbi liggur undir ámælum

Athugasemdir

[Beturvitringur, 21.7.2008 kl. 13:48]

Æi, tekur því að svara svona?

E.S. smáklausa í Gestabókinni þinni

[Notendanafn, 21.7.2008 kl. 14:05]

Fylgdarlið Bjarkar er einn maður sem er að blogga á blog.bjork.com en ekki einhver herskari af fólki. Og hann gerir það undir nafni. Kannaðu hver það er!

það eru fjölmiðlar sem gera þetta upp að það sé „fylgdarlið“ Bjarkar sem er að blogga. Aldrei fyrr hefur heilt lið verið einn maður. Og hann má hafa sína skoðun, einsog þú Emil bendir á að Bubbi megi hafa. Þá má Jónas það! :)

Peningamál Bubba eru hans prívat mál, en hann kýs að hafa þau opinber.