List...

Fyrir nokkrum árum vogaði ég mér að tjá mig um staðsetningu ákveðins listaverks í borginni. Fyrir vikið var ég opinberlega átalinn af bæði einstökum listamönnum og samtökum listamanna fyrir að tjá mig um hluti sem ég hefði ekkert vit á. Það væri listamanna að meta listaverkin til fegurðar og fjár og þeir borgarar sem ekki hefðu til þess menntun eða þekkingu ættu bara að venja sig við þau en ekki mynda sér skoðun á þeim.

Ég tek fram að ég tjáði mig aðeins um staðsetningu þessa listaverks en aldrei um listaverkið sem slíkt. Þrátt fyrir það var ég kallaður "listahatari" af þeim sem betur þekktu til þessara mála.

Þar sem ég hef fengið á mig þann stimpil að hafa ekki aðeins ekkert vit á list heldur einnig að vera "listahatari" er það líklega mjög djarft af mér að tjá mig um þessa frétt.

Ég ætla nú samt að leyfa mér að segja að mér þykir þessi súla hvorki frumleg né áhugaverð.

Næst þegar þið sjáðið mynd frá 20th Century Fox veitið þá athygli ljósasúlunni vinstra megin í vörumerki kvikmyndasamsteypunnar og sjáið þá hversu frumleg þessi sk. "Friðarsúla" er.

ATH.: Ég tek fram að þeir, sem á sínum tíma tóku að sér að dæma listþekkingu mína, féllu í þá sömu gryfju og margir aðrir að nota orðið list yfir myndlistina eina og sér. Sjálfur tel ég mig bæði smekk- og kunnáttumann á sviði bókmennta og annara orðsins lista.

Kveikt á friðarsúlunni í kvöld

Athugasemdir

[Mási (IP-tala skráð) 7.2.2008 kl. 15:09]

Það er ekkert nýtt undir sólinni Emil. Þess vegna snýst list mjög mikið
um samhengi og sjónarhorn en auðvitað hafa ekki allir sama smekk.

[Emil Örn Kristjánsson, 7.2.2008 kl. 15:42]

Hárrétt, Mási. Það hafa nefnilega ekki allir sama smekk. Það er því aumt að mega ekki tjá sig án þess að eiga á hættu vera stimplaður af einhverjum sjálfskipuðum hópi sérfræðinga.

[Villi Asgeirsson, 7.2.2008 kl. 15:54]

Er þetta ekki hið besta mál? Þetta er ekki bara ofvaxinn lampi, það er hugsunin á bak við súluna sem skiptir máli. Hitt er svo annað, hverskonar hugsanir svífa um í haus Yoko...