Kominn í slaginn

Þá er það orðið opinbert: Karlinn ætlar í prófkjörsslag.

Ég veit af reynzlu að það getur verið tímafrekt og það getur tekið á að gefa sig í störf fyrir samfélagið og samborgara sína. En ég veit líka hversu gefandi það getur verið og ég vona að það litla sem ég hef megnað að leggja af mörkum á undanförnum árum hafi orðið einhverjum til gagns og góðs.

Það er ásetningur minn að eyða ekki stórum upphæðum í þennan slag heldur sjá hvort reynzlan, verkin og  vonandi góður orðstír verði til þess að ég fái notið trausts og stuðnings til meiri og stærri verkefna á víðtækari vettvangi.

Sækist eftir 6. sæti

Athugasemdir

[Hjörtur J. Guðmundsson, 15.12.2009 kl. 12:30]

Styð þig félagi :)

[Benedikta E, 15.12.2009 kl. 13:26]

Gott hjá "karlinum"sterkur liðsauki - Ég segi - JÁ -!

[Gísli Ingvarsson, 15.12.2009 kl. 13:26]

Styð þig í öllum góðum málum nema ef vera kynni að þú sért eindreginn efasemdarmaður um ESB aðild frjálsra borgara þessa lands.

[Baldur Hermannsson, 15.12.2009 kl. 14:18]

Til hamingju með þessa ákvörðun og megi hún færa sveitarfélaginu og fjölskyldu þinni farsæld og gæfu.

Í hvaða sveitarfélagi ertu annars?

[Friðrik Hansen Guðmundsson, 15.12.2009 kl. 16:45]

Þetta lýst mér vel á. Gott hjá þér. Til hamingju með að stíga þetta skref.

Það er mikill fengur að fá þig inn í þennan hóp. Ég hefði viljað sjá þig stíga þetta skref fyrir mörgum árum.

[Sóldís Fjóla Karlsdóttir, 15.12.2009 kl. 18:25]

Mér líst vel á þessa ákvörðun .....til hamingju.

[Georg Franklínsson (IP-tala skráð) 15.12.2009 kl. 19:24]

Til hamingju, ég styð þig.

[Emil Örn Kristjánsson, 16.12.2009 kl. 00:21]

Ég þakka ykkur öllum hvatningarorð, hamingjuóskir og jákvæða strauma.

Gísli, maður á að segja satt og ég skal viðurkenna að þó ég telji mér treystandi til góðra verka þá hef ég rökstuddar efasemdir um ESB-aðild.

Baldur, prófkjörið er til borgarstjórnarkosninga í einu "borginni" okkar, höfuðborg allra landsmanna, þó mér sé reyndar tamt að tala um að ég búi í 112-Grafarvogi. Það er heimasveitin mín.

[Steinunn (IP-tala skráð) 16.12.2009 kl. 16:28]

X-Emil.  Ég myndi svo sannarlega kjósa þig Hr Emil Örn Kristjánsson, vitrastur allra manna, bara ef ég byggi í Reykjavik og væri í Sjálfstæðisflokknum

Ég vona að kosningabæklingarnir þinir sýni hvað þú er hagmæltur og þar verði reglulega vísur, limrur og stökur og jafnvel sögur frá Ýsufirði.

Þetta er bara fyrsta skrefið á langri pólitískri leið.

Gangi þér allt í haginn og ég veit að þú burstar þetta prófkjör.

Baráttukveðjur frá gjaldþrota Álftanesi

[Baldur Hermannsson, 16.12.2009 kl. 16:34]

Steinunn, kannski væri sniðugast að fá Emil í framboð á Álftanesinu?

[Gaui (IP-tala skráð) 16.12.2009 kl. 20:22]

Ég óska þér góðs gengis í þessu prófkjöri, ég hélt nú reyndar að þú tækir þetta skref fyrir síðustu sveitastjórnarkostningar.

E.s.: Mikið svaka lega ertu líkur pabba þínum á myndinni sem fylgir frétinni.