Prósentur af hundraði...

Eitt sinn heyrði ég sögu af unglingakennara, sem var búinn að fá alveg nóg af tornæmi og vinnuleti nemenda sinna og missti út úr sér yfir bekkinn: Þið eru svo léleg í stærðfræði að 60% ykkar eiga eftir að falla á prófinu í vor.

Þá heyrðist einum nemendanna: Hah, 60%, við erum nú ekki einu sinni svona mörg í bekknum!

Reyndar hef ég á tilfinningunni að ýmsir sem eru komnir í æðstu stöður hér á landi hafi álíka mikið vit á prósentureikningi og tek ég því þessum fréttum með tilheyrandi fyrirvörum.

90% upp í forgangskröfur

Athugasemdir

[Jón Steinar Ragnarsson, 13.10.2009 kl. 09:39]

Rökrétt hjá nemandanum, ef nemendafjöldinn hefur ekki staðið á tug. Það gengur ekki upp að brot af einum nemanda geti fallið.

Annars er er þessi síðasti hókus pókus svo vitlaus að það þarf ekki einu sinni að vera góður í reikningi til að sjá að skuldir hverfa ekki þótt þær séu skýrðar öðrum nöfnum eða settar undir aðra liði.  Nú hafa þeir endanlega drullað upp í hnakkagróp með spunanum sínum.

[Emil Örn Kristjánsson, 13.10.2009 kl. 10:14]

Þakka þér fyrir innlitið, Jón Steinar. Reyndar þarf nemendafjöldinn ekki að standa á tug til að 60% eigi við. Það er nóg að hann standi á tug eða hálfum tug.

Ekki þar fyrir að það kemur hvergi fram í sögunni hvað bekkurinn var fjölmennur auk þess sem skilningur nemandans á prósentum er jafn rangur fyrir það.

Það er hins vegar rétt hjá þér að þetta er ekkert annað en spuni. Ég held hins vegar að stjórnvöld trúi þessu í einlægni.