Afskrifa hvað???

Samkvæmt þessari frétt virðist bara bara verið að hugsa um þá sem "gömbluðu" með gjaldeyrinn. Eiga þeir bara að fá skuldbreytt í óverðtryggð lán í krónum meðan þeir sem voru varkárir og tóku sér íslenzk verðtryggð lán eru látnir sitja eftir og taka á sig verðbólguna af fullum þunga?

Er þetta kannske eitthvað sem við getum þakkað lífeyrissjóðunum og launþegahreyfingunni?

Vaxandi þrýstingur á að afskrifa íbúðalán

Athugasemdir

[Þórður Björn Sigurðsson, 25.8.2009 kl. 15:56]

Tillögur HH:

Aðgerð #2:     Leiðrétting á gengistryggðum íbúðalánum (framkvæmt samtímis aðgerð #3)
Lýsing: Gengistryggðum íbúðalánum verði breytt í verðtryggð krónulán.
Útfærsla: Boðið verði upp á að gengistryggð íbúðalán verði umreiknuð sem verðtryggð krónulán frá lántökudegi einstakra lána.

Aðgerð #3:    Leiðrétting á verðtryggðum íbúðarlánum (framkvæmt samtímis aðgerð #2)
Lýsing: Verðbótaþáttur íbúðalána verði endurskoðaður frá og með 1. janúar 2008.
Útfærsla: Verðbótaþáttur, frá og með 1. Janúar 2008, takmarkist við efri mörk verðbólgumarkmiðs Seðlabanka Íslands, eða að hámarki 4%.  Aðgerð þessi er fyrsta skrefið í afnámi verðtryggingar.

Nánar hér: http://www.heimilin.is/varnarthing/about/tilloegur-samtakanna

[Emil Örn Kristjánsson, 25.8.2009 kl. 16:11]

Takk fyrir, Þórður. Gott að vita að þið hjá HH berið hag allra látakenda fyrir brjósti...

[H.T. Bjarnason (IP-tala skráð) 25.8.2009 kl. 19:12]

Ég er einn þeirra sem tók myntkörfulán.  Lánið var tvær milljónir og samkvæmt greiðsluáætlun átti ég að greiða ca. 40.000 kr. á mánuði í sjö ár.  Ég vissi alltaf að gengið gæti rokkað eitthvað upp á við, en mig grunaði ekki að ég myndi greiða ca. 1/3 af því sem ég fæ útborgað í afborganir á mánuði.  Mig grunaði ekki heldur að íslenskar fjármálastofnanir myndur taka umtalsverðar stöður GEGN krónunni.  Þar finnst mér óréttlætið liggja.  Ég er reiðubúinn og viljugur að greiða lán mitt til baka.  Ég er ekki að biðja um neina niðurfellingu en ég hugsa hvað gæti nú gerst ef krónan tæki svaka dýfu niður á við.  Mér þætti frekar undarlegt að greiða t.d. öll mín útborguð laun í þessar afborganir.  Ég verð að geta lifað á einhverju.