Getur það verið?

Getur það verið? Getur það verið að Össur, Jóhanna og rest séu svona óheiðarleg? Getur það verið að þau séu að skammta út þær skýrslur og greinagerðir sem henta þeim en stinga öðrum undir stól? Getur það verið að Össur sé svo vitlaus að halda að hann komist upp með að afgreiða þessa ákveðnu skýrslu á þann hátt að hún skipti ekki máli? Getur kannske verið að hann svona forhertur í afstöðu sinni til þess að berja okkur inn í ESB, nolens volens, að hann sjái ekki hvað þetta er rangt? Heldur hann að fólk sé fífl?

Og hvað er með hann Steingrím J.? Er hann ekkert betri eða er hann að láta hafa sig að fífli? Er hann líka svona vondur eða er hann bara svona einfaldur?

Það er helzt að sjá að Össur & co. séu svo forhert að þeim er slétt sama út á hvaða flæðisker þau teyma þjóðina svo framalega sem þeim tekst ætlunarverk sitt: Að koma okkur inn í fjandalagið ESB. Hvaða dúsur ætli sé svo búið að bjóða þeim?

Mér hefur nú alltaf þótt Össur frekar skemmtilegur og blátt áfram. Nú sýnir hann á sér nýja hlið. Þvílíkur hroki og valdníðsla.

„Lögfræðiálitið breytir engu"

Athugasemdir

[Hrönn (IP-tala skráð) 7.7.2009 kl. 14:21]

Eða getur það verið að þau séu einmitt heiðarleg og að gera það rétta?

[nafnlaus (IP-tala skráð) 7.7.2009 kl. 14:28]

Hrönn, maður þarf nú að vera með alveg extra rósrauð gleraugu til að komast að annarri niðurstöðu en þau séu óheiðarleg -  eða kannski eru þau bara ekki nógu klár?

Kannastu við frasann "allt upp á borðunum"? Hmmmm......

[Emil Örn Kristjánsson, 7.7.2009 kl. 15:01]

Góð Hrönn. Þetta var kaldhæðni hjá þér, var það ekki annars?

Að leggja aðeins þau gögn fram í málinu sem leiða til ákjósanlegar niðurstöðu í stað þeirrar réttu er ekki heiðarlegt.

Að keyra þjóðina í þrot til þess eins að ná settu marki er siðlaust.

Að sækja að umdeildu markmiði með öllum tiltækum ráðum, sama hverja afleiðingar þeirra verða, er tillitslaust.

Afstaða Samfylkingarforyztunnar til ESB aðildar minnir einna helzt á þjónkun austurevrópskra kommúnista við Sovétríkin hér á árum áður.