Er þetta í alvörunni svona?

Afsakið, kæru lesendur, en ég skil þetta ekki alveg.

Er það rétt að þegar heimsmarkaðsverð á olíu hækkar þá hækka olíufélögin hér samdægurs en þegar heimsmarkaðsverð lækkar þá getum við bara beðið eftir næstu sendingu með að það lækki?

Sé svo þá eru olíufélögin að hækka birgðir sem keyptar eru inn á lægra verði. Er einhver sanngirni í því?

Ég get vel skilið að það þurfi að vera einhver vinnuregla með svona hluti. Eðlilegast væri að verð hækkaði þegar dýrari olían kæmi á markað og þá er jafnframt eðlilegt að það lækkaði þegar sú ódýrari er komin í tankana.

Ég get líka skilið að bensínverð fylgi heimsmarkaðsverði. En þá verður það bæði að hækka og lækka miðað við sömu forsendur. Við hljótum að gera kröfur um samræmi, þ.e. að olíufélögin séu sjálfum sér samkvæm í verðbreytingum.

Kannske er þetta bara misskilningur hjá mér. Leiðrétti mig sá sem betur veit.

N1 hækkar bensínverð

Athugasemdir

[Hansína Hafsteinsdóttir, 6.7.2009 kl. 09:45]

Held að þetta sé einmitt svona og hafi alltaf verið svona! Er farin að hallast að hugmyndinni um að þjóðin geti og eigi að koma af stað verðstríði, allt er hægt ef við stöndum saman!

[Garðar Valur Hallfreðsson, 6.7.2009 kl. 09:47]

Ég er þér hjartanlega sammála með allar þessar öru hækkanir en þegar kemur að lækkun er það ekki jafn ört að lækka á móti. 

Þó tel ég að þessi frétt sé að fjalla um eldsneytisskattinn sem ríkisstjórnin samþykkti á dögunum

[Ellert Júlíusson, 6.7.2009 kl. 10:02]

Nei Garðar, sú hækkun er nú þegar komin inn í kerfið.

[Karma (IP-tala skráð) 6.7.2009 kl. 10:36]

Nei Ellert olíufélögin hækkuðu strax eftir að bensíngjaldið var hækkað en drógu þær hækkanir til baka nokkrum dögum seinna. Þetta er 12,5 krónu auka gjald þannig að 9 krónu hækkun hjá N1 er 3,5 krónum undir viðbúinni hækkun.

[Jóhannes H. Laxdal, 6.7.2009 kl. 11:02]

Ef bensínverðið hefði ekki lækkað einsog það gerði þá má alveg búast við að N1 hefði hækkað eldsneytið til samanburðar við það sem Skeljungur er með það á.

Nú á Olís eftir að hækka sitt og svo býst ég við að Skeljungur lækki sitt verð í dag eða á morgun um nokkrar krónur.

[Finnur Bárðarson, 6.7.2009 kl. 14:55]

Sérstakar aðstæður á Íslandi eins og alltaf.