Fjölmiðlaspilling

Stöð 2, er það ekki stöðin sem felldi niður himinháar auglýsingaskuldir Samfylkingarinnar? Upphæðir sem aldrei virðast hafa ratað í bókhald flokksins.

Er þetta ekki stöðin sem Samfó stóð svo traustan vörð um þegar fjölmiðlafrumvarpið fræga var til umfjöllunar?

Muna menn hversu einstaklega ömurlegt það var þá að horfa upp á formann Blaðamannafélags Íslands, Róbert Marshall, finna því frumvarpi allt til foráttu undir því yfirskini að hann væri að gæta hagsmuna félagsmanna þegar hann gekk í raun erinda yfirboðara sinna... já, bíðum við, er það ekki einmitt sá sami Róbert Marshall sem er í framboði fyrir Samfylkinguna og starfaði einnig sem forstöðumaður 365 miðla?

Var það ekki Nixon, sem sagði: "Let them deny it" (látum þá neita því). Og átti þá við að bera mætti allskonar ýktar og upplognar sakir á andstæðinginn og láta hann síðan eyða tíma í hreinsa sig.

Vá, sem betur fer er ég ekki tortrygginn að eðlisfari. Annars gæti maður haldið að hér væri samsæri á ferðinni.

Háir styrkir frá Baugi og FL

Athugasemdir

[Friðrik Hansen Guðmundsson, 22.4.2009 kl. 00:25]

Ég skil þig ekki alveg Emil, það eru þrír flokkar nefndir til sögunnar í þessari frétt, Framsókn, Samfylking og Sjálfstæðisflokkur. Hvað samsæri sérð þú í þessari frétt?

Ert þú að meina að það sé verið að koma höggi á alla nema Vinstri græna?

[Emil Örn Kristjánsson, 22.4.2009 kl. 00:40]

Þú veizt fullvel hvað ég á við, Friðrik. Þessi miðill hefur hamast á Sjálfstæðisflokknum og sérstaklega Guðlaugi Þór. Svo heiftarlega að það er beinlínis grunsamlegt. Ætli þeim þyki þá ekki ráð, til að gera sjálfa sig trúanlegri, að kasta smá skít í eigið fólk. Helgi og S.Valdís þola nú svolítinn aur þau sitja jú fyrir aftan Jóhönnu á framboðslistanum.

[Sævar Finnbogason, 22.4.2009 kl. 01:32]

Þetta er furðuleg færsla í meira lagi. Áttar þú þig ekki á því að hér er verið að telja til frambjóðendur í fleirri flokkum  en sjálfstæðisflokknum og verið segja frá spillingu í lífeyrissjóðunum.

Hvað ertu eiginlega að fara maður. 

[Benedikta E, 22.4.2009 kl. 01:38]

Það er engin spurning að stöð 2 er að reyna að hylja fjölmiðlaspillinguna sem hún hefur viðhaft - það eru nefninlega gestir í heimsókn - Öryggis og samvinnustofnun Evrópu er hér með tíu manna sendinefnd sérfræðinga -  til   eftirlitsstarfa  með kosningunum og þar innifalið er eftirlit á vinnubrögðum fjölmiðla - kannski er slordóna einelti  fjölmiðlanna -  gegn Sjálfstæðisflokknum og fólki tengdu honum -  komið upp á borðið hjá sérfræðingunum - svo nú þykir stöð 2 kannski vissara  að draga aðeins yfir eineltisáráttuna á Sjálfstæðisflokkinn -  á meðan sérfræðingarnir eru staddir hér.