Batnandi þjóð er bezt að lifa

Það kemur að því að fólk vitkast. Valið stendur í raun um 3 stóra flokka. Samfylkingin, sem er hópur ómerkilegra lýðskrumara, sem hafa selt sig hæstbjóðanda, VG sem á engar raunhæfar lausnir og leggur til að lækka laun, hækka skatta og setja fólk í giriðingarvinnu og svo Sjálfstæðisflokkurinn, sem er samkvæmur sjálfum sér og þorir að taka erfiðar ákvarðanir og standa við þær.

Valið ætti ekki að vera erfitt. Gerum okkur þó grein fyrir því að þetta er skoðanakönnum og ber að skoðast sem slík.

D og S listi stærstir

Athugasemdir

[Sigurður (IP-tala skráð) 20.4.2009 kl. 17:41]

Sæll Kristinn Haukur

Það eru menn eins og þú sem eruð þjóðinni til skammar. Málefnalegu rökin bara gjörsamlega leka af þér... eða þannig.

Ég verð að segja eins og er. Ég var ekki Sjálfstæðismaður fyrir bankahrunið og hef aldrei kosið Sjálfstæðisflokkinn.

Hins vegar finnst mér eini flokkurinn sem er með viti í dag vera Sjálfstæðisflokkurinn. Mér þykir það leitt að þurfa að segja þetta en Sjálfstæðisflokkurinn er bara eini flokkurinn sem er með frambærilegan leiðtoga og er ekki að boða skattahækkanir út um allar tryssur. Ég bara trúi því ekki að Íslendingar vilji hærri skatta.

Ég er með mínar föstu tekjur á mánuði. Eftir hrunið náum við hjónin rétt svo endum saman. Næ að borga að bílnum, húsinu og get keypt í matinn. Meira get ég ekki leyft mér. Ef að það á að fara að skerða launin mín enn meira með meiri skattheimtu þá sé heimilisbókhaldið bara ekki ganga upp. :(

Svo var Sjálfstæðisflokkurinn sá sem harðast stóð að baki því að Helguvíkurálverið verði reist og svo framvegis.

Ég verð bara að segja eins og er. Eins lítill Sjálfstæðismaður og ég er þá verð ég nú samt að setja X við D. Þetta er eini flokkurinn sem boðar alvöru atvinnusköpun, ekki bótavinnu á vegum ríkisins, og ekki skattahækkanir.

Kv. Sigurður

[Daniel Logi (IP-tala skráð) 20.4.2009 kl. 17:50]

Fyrirgefdu Emil

en thu ert ekkert annad en fafrod manneskja sem lifir i blindri hugmyndafraedi, i stad raunveruleikans. Eg fyrirlit folki eins og ther, sem hreinlega kann ekki ad skammast sin.

Thessi Sjalfstaedisflokkur er ekkert annad framapottara elitur, sem logdu land vorar og thjod i eydi.

Thu gefur lydraedi slaemt ordspor.

[Eygló, 21.4.2009 kl. 01:44]

Ímyndið ykkur hvernig það er fyrir "utanaðkomandi" að lesa þessi "samtöl" ykkar; rennið yfir. Allir hafa eitthvað til síns ágætis (þið líka :)  )   Ekki sé ég nein málefni, frekar typpamælingar.  Ekki þyrði ég að kjósa neinn ykkar til neinna starfa (stendur enda ekki til)  Ég myndi veita krakka orð í eyra ef þau töluðu svona hvert um annað.

Annars eruð þig ágætir, athugasemdin virkar vonandi sem spegill ykkar.

Afsakið framhleypnina

hæstbjóðanda

[Emil Örn Kristjánsson, 21.4.2009 kl. 11:06]

Ég þakka þér ábendinguna, Maíja (af hverju tókstu upp þetta nafn)? Þó ég sé lítið fyrir að leiðrétta veffærslur mínar verður þetta leiðrétt. Stingur enda í augu.

Ég sé ekki mikla ástæðu til þess að vera að munnhöggvast við Kristin Hauk og Daníel Loga. Orð þeirra afhjúpa bæði ofstæki þeirra, þröngsýni og fáfræði.

Börkur Hrafn, ég þakka þér fyrir sendinguna. Ég er búinn að lesa bréfið sem fylgir hlekknum og þarna er vissulega margt áhuga- og skoðunarvert. Ég ætla ekki að fara út í nein smáatriði eða koma af stað langri umræðu. Ég starfa sjáfur í ferðaþjónustu og hef gert mest alla mína starfævi. Ég veit að þar eru sóknarfæri þó ég sé ekki endilega sammála öllum þeim markmiðum sem þarna koma fram og vildi sumsstaðar sjá aðrar áherzlur. Það er líka orðið svolítið þreytt að reyna stöðugt að halda því á lofti hversu mikil gæðavara íslenzk framleiðsla er og að það sé ekkert mál að selja hana dýru verði um allan heim. Íslenzk framleiðsla stenzt vel samanburð en það eru fleiri sem framleiða gæðavöru og það er á brattann að sækja.

Það er ekki rétt að einu lausnir Sjálfstæðisflokksins séu 2 álver. En álver skapar mörg störf og þó markaðsverð á áli geti eðlilega breyzt þá er ekkert útlit fyrir að heimsbyggðin muni hætta að nota ál í framtíðinni. Það var lengi krafa að raforkuverð fylgdi álverði og það er ekki óeðlilegt að svo sé. Auðvitað væri bezt að semja svo að það aðeins hækkaði með verði en lækkaði ekki... en við vitum báðir að það er væri einfaldlega ekki sanngjarnt.

[Emil Örn Kristjánsson, 21.4.2009 kl. 11:07]

Já, og Sigurður, ég þakka þér fyrir innlitið og málefnalegt og rökfast innlegg.

[Einnar línu speki, 21.4.2009 kl. 11:16]

Er þetta eitthvað grín?

[Eygló, 21.4.2009 kl. 11:57]

Takk fyrir að bregðast við ábendingunni í góðu. Margir fara strax í vörn. Ég meina alltaf vel og reyni ekki að slá mig til riddara þótt ég bendi kurteislega (vonandi) á eitthvað. Það sama á við hérna megin; þakklát fyrir fræðslu.

Ha ha ha, með nafnið mitt:  Mér finnst svo margir vera með dul- /gælu- /grín- nöfn og sum grípandi og skemmtileg. Nú ætlaði ég að verða "töffarinn" og nýtti mér fæðingarmánuðinn minn; maí.   Já, já, þetta er hallærislegt en má, má, má mar.... 

[Emil Örn Kristjánsson, 21.4.2009 kl. 12:03]

Ég er mikill márverndunarsinni, Maíja. Jafnvel svo að ég hef verið kallaður málfarsfasisti. Því tek ég öllum leiðréttingum vel og er enda ófeiminn að benda öðrum á það sem betur má fara. Á maður ekki alltaf að vera sjálfum sér samkvæmur?

[Eygló, 21.4.2009 kl. 13:24]

hahaha, ég fæ líka oft þessa nafnbót, - málfarsfasisti. Það sem verra er, ég er stolt af því : )