Vesalings Ögmundur

Nú á Ögmundur bágt. Hann er búinn að fara með gýfuryrðum og gagnrýni á allt sem gert hefur verið hingað til og þózt vita allt betur. Svo þegar í hringinn er komið gefst hann strax upp.

Það vill til að við munum vera með næstdýrasta heilbrigðiskerfi í heimi og það er eitthvað verulega mikið að ef ekki er hægt að hagræða þar. Þetta vissi Guðlaugur Þór og hann vissi að það þurfti að fyrst af öllu þurfti að taka til á toppnum. Það er ekki hagur sjúklinganna að verið sé að ausa fé í stjórnendur og millistjórnendur. Það er ekki hagur sjúklinganna að læknar séu að fá yfir 3millur í mánaðarlaun. Þeir komast af með minna.

Höfum í huga að heilbrigiskerfið hér er miðað við allt aðra tíma en eru í dag. Samgöngur og fjarskipti nútímans bjóða einmitt upp á að  fækka stjórnendum og setja fleiri heilsugæzlur undir sömu yfirstjórn.

En Ögmundur þorir ekki að hrófla við toppunum hann gefur hann þeim bara allt aftur til baka til að hafa þá góða. Honum finnst víst betra að níðast á sjúklingum og þeim heilbrigðisstarfsmönnum sem lægra eru launaðir. Það mætti halda að heilbrigðiskerfið miðaðist við að hafa sem flesta hálaunamenn í vinnu en ekki að gagnast sjúku fólki

Sakaði Ögmund um kjarkleysi

Athugasemdir

[fg (IP-tala skráð) 24.3.2009 kl. 17:57]

Af því að það er verið að tala um kjarkleysi Ögmundar...hann er jú formaður BSRB og hefur alltaf risið uppá afturlappirnar og kvartað þegar ríkisstarfsmenn eru reknir, en einhverra hluta vegna þagði hann þegar 3 bankastjórar Seðlabankans voru reknir (þeir voru jú... ríkisstarfsmenn) ...en þá þagði Ögmundur...... Merkilegt....!

[Friðrik Dagur Arnarson (IP-tala skráð) 24.3.2009 kl. 21:04]

Það tekur því miður meira en nokkra daga að fást við það ástand sem Guðlaugur Þór var búinn að koma á. Markmið hans var augsjánalega að taka alla "bitastæða" þjónustu út úr kerfinu og færa einkaaðilum á silfurfati en leyfa ríkinu að sjá um nauðsynlega þjónustu sem bæði er dýr og nauðsynleg. Þetta ástand hefur því miður fengið að þróast á undaförnum árum og margir læknarnir gengið á lagið og sótt sér tekjur sem ríkið hefur þá misst af og ekki getað notað til að mæta kostnaði við aðrar aðgerðir. Einkavæðing á kostnað almennings er jú aðalsmerki Sjálfstæðisflokksins eins og hrunið undanfarið hefur sýnt og sannað. En merkilegast er samt af öllu að sjá hvernig fólk sem tók þátt í að skapa kerfið sem komið hefur þjóðinni á kné lætur nú eins og það sé heilagra en páfinn, með hreinan skjöld og þess umkomið að skammast í heilagri vandlætingu. Sjálfstæðismenn skulda þjóðinni annað en skæting  þó þeir virðist ekki allir átta sig á því. Væri ekki nær fyrir þá að bretta upp ermar og reyna að laga til eftir fylliríið?

[Gulli (IP-tala skráð) 25.3.2009 kl. 08:09]

Heldur fólk virkilega að topplæknar fari eitthvað að hanga í einhverjum smáspítala norður í ballarhafi ef á að skera launin þeirra niður um hálfan annan helling þegar þeir geta fengið miklu betri laun t.d. bara í Evrópu. Það er gríðarleg eftirspurn eftir starfsfólki í heilbrigðisgeiranum og það er alltaf að verða auðveldara fyrir fólk að flytja landa á milli til að komast í betri laun. Ef heilbrigðiskerfið fer að skera niður laun hjá læknum er betra að búa sig undir landflótta. Gott dæmi er heilaskurðlæknirinn "frægi" sem pakkaði saman og flutti til USA og skv. "heimildum" allt að því tífaldaði launin.

Hins vegar er ég sammála því að það má alveg skera niður í yfirstjórn og skriffinnsku heilbrigðiskerfisins.

Tek það fram að ég hef aldrei starfað innan heilbrigðisgeirans en þekki fólk sem starfar þar og veit að nokkrir eru þegar að íhuga að flytja til Noregs.

[Kristín Magdalena Ágústsdóttir, 25.3.2009 kl. 09:02]

Það er þetta með siðferðið!! Læknar ættu að hafa það og mikið af því, annars held ég að þeir verði bara hættulegir. Þegar gróði kemur fram fyrir að lækna og hjálpa fólki.

Mér er drullu sama um það hvort einhver læknir verði að sætta sig við það að það þurfi að lækka hjá honum launin í það að vera (á þessum tíma) heilbrigðar upphæðir. 

Þeir eiga að hjálpa og lækna, það er það sem þeir lærðu og það er það sem þeir ætluðu að vinna við.

Þeir verða bara að sætta sig við minna en ofurlaun.

Og hana nú!!!

[Snæbjørn Bjornsson Birnir (IP-tala skráð) 25.3.2009 kl. 12:07]

Veit ekki til að Ögmundur hafi sagt nokkuð um launin ennþá. Hinsvegar hefur hann ákveðið að sjá til þess að öryggi sjúklinga sé tryggt. Alveg magnað hvað fólk getur verið með af skítkasti útaf hlutum, sem það hefur ekki nennt að kynna sér almennilega! Get ekki séð annað, en að þessi ríkisstjórn hafi gert fleiri jákvæða hluti á ca. 2 mánuðum, en sú síðasta gerði síðan hún komsta að! Skil samt, að það sé erfitt fyrir íhaldið að kyngja því!!

[Úrsúla Jünemann, 25.3.2009 kl. 12:39]

Snæbjörn, ég er mjög sammála þér.

[Páll A. Þorgeirsson (IP-tala skráð) 25.3.2009 kl. 13:18]

Það nálgast kosningar og eftir kosningar verða öll loforð Ögmundar lítils virði.  Vonandi hefur honum ekki tekist að blekkja fólk, því raunveruleikinn er sá að niðurskurður og sparnaður í heilbrigðiskerfinu er bara það sem við verðum að sætta okkur við hvort sem okkur líkar eða ekki.

Það verður hroðalegt fyrir Ögmund ef svo "ólíklega færi" að hann tæki stöðu heilbrigðisráðherra í næstu ríkisstjórn.

[Snæbjørn Bjornsson Birnir (IP-tala skráð) 25.3.2009 kl. 18:54]

Nú sem búið er að birta hvaða ráðstafanir Ögmundur ætlar að grípa til, væri kannski vert að lesa um þær og svo meta það sem hefur verið skrifað hér að ofan...??! Það er yfirleitt ekki smart að skjóta fyrst og spyrja svo....

http://www.heilbrigdisraduneyti.is/frettir/nr/3015