Hvað voru menn að hugsa?

Já, spyr sá sem ekki veit: Hvað voru þessir menn eiginlega að hugsa?

Maður skyldi ætla að þetta væri sæmilega skynsamt fólk, en það er eins og á menn hafi runnið eitthvert æði... græðgisæði. Voru þetta ekki menn (karlar og konur) með þokkaleg laun? Hafði fólkið ekki vel rúmlega til hnífs og skeiðar? Hvað vildi þetta fólk með þessi ofurlán? Og hvernig dettur fólki í hug að taka svona lán hjá sjálfum sér? Hver verið svo eftirleikurinn? Hver situr uppi með skaðann?

Stórt er spurt.

Nú þegar tími iðrunar og játninga er runninn upp hafa ýmsir stjórnmálamenn beðist afsökunar, viðurkennt að öðruvísi og betur hefði mátt standa að málum, eftirlit hafi brugðist o.sv.fr. Það er vel.

Gleymum þó ekki að stóru sökudólgarnir eru bankamennirnir, útrásarvíkingarnir, fjárglæfrafólkið. Gætum okkar á því að þessu liði finnist það ekki vera stikkfrí, hafa fengið syndaaflausn, þó aðrir biðjist afsökunar á sínum þætti. Ég hef ekki séð að það votti fyrir iðrun hjá þessu liði eða að því hafi fundist það hafa gert eitthvað rangt. Þetta er samt fólkið sem ber mesta ábyrgð á þeim skaða sem við hin sitjum uppi með.

Eigendur virðast hafa fengið há lán

Athugasemdir

[Villi Asgeirsson, 11.3.2009 kl. 13:45]

Það er málið, ég hef ekki séð afsökunarbeiðni frá neinum í bankageiranum. Þvert á móti moka þeir peningum út fram á síðustu stund. Það er sama hvaða steini er velt, allstaðar er allt iðandi af spillingu og ógeði.

Ég er kannski svona einfaldur, en hvað gerir maður við tugmilljarða lán? Af hverju þurfa þessir kallar svona mikið? Ég gæti lifað fínu lífi á milljón á mánuði, sem er þó ekki nema brot af þeirra launum (fyrir utan lán sem aldrei þarf að borga).

[Emil Örn Kristjánsson, 11.3.2009 kl. 15:45]

Það er svona, Villi sæll. Mann skortir ímyndunarafl til að gera sér grein fyrir því hvað þessir menn hafa að gera við alla þessa peninga. Svei mér þá, ég kæmist meira að segja þokkalega af með 1/2 millu á mánuði.

[Villi Asgeirsson, 11.3.2009 kl. 17:09]

1/2 milla er yfirdrifið nóg. Skil ekki þessa áráttu með milljarða fyrir mann persónulega. Þegar jeppinn er keyptur, risahúsið byggt, hvað þá? Fimm sinnum til útlanda á ári? Þetta er allt hægt á góðum launum. Þarf ekki milljarða. Þess vegna skil ég þetta ekki.

Þar fyrir utan, jeppinn og villan gera mann ekki hamingjusaman. Ég held að þegar maður á orðið svo mikið af peningum að maður getur keypt allt, verður lífið innantómt. Hef þó aldrei reynt það, svo ég fullyrði ekkert um það. Það sem ég get nokkurn vegin fullyrt er að þetta fólk er siðblint og græðgin holdi klædd.