Þar hittum við sanna vini fyrir.

Undrast nokkur þó maður klökkni?

Það er gott að vita hvar maður hittir vini fyrir. Færeyingar hafa sjálfir þurft að ganga í gegnum erfiða tíma og skilja líklega betur en margir aðrir hvernig ástatt er fyrir okkur.

Nú bjóða þeir okkur hjálp að fyrra bragði. Þetta eru sannir vinir og frændur.

Takk, góðu vinir. Hetta gloyma vit ongantíð.

Færeyingar vilja lána Íslandi

Athugasemdir

[Líney, 29.10.2008 kl. 00:04]

Viltu tissjú?   já  færeyingar eru vinir,alveg laukrétt...

[Beturvitringur, 29.10.2008 kl. 00:54]

Ég hélt auðvitað að bara ég væri svona meir. Sérstaklega þess vegna gleður mig að sjá mjúka manninn hjá þér.

Ég stóð úti við glugga, reykti útum gluggann og hlustaði á hádegisfréttirnar. Þegar lesin var fréttin um hjálparhönd Færeyinga, spruttu satt að segja fram tár.

Þetta er gríðarlega stórmannlegt. Vinir í raun. Vona að þeir fái að frétta af þakklætinu í þeirra garð.