Gott hjá þeim

Hér einu sinni hóf göngu sína íslenzkt tímarit sem hét Tízkublaðið Líf. Útgefendur ameríska tímaritsins Life fóru þá í mál og Líf neyddist til að breyta nafni sínu í Nýtt líf.

Þetta þótti mér og þykir enn mesta frekja og yfirgangur af aðstandendum Life, þó Nýtt líf hafi reyndar átt farsælu lífi að fagna þrátt fyrir nafnabreytinguna.

Nú brosir maður í annað og gleðst, í ljósi fortíðar, yfir þessum sigri Indverja.

Hari Puttar hafði sigur á Harry Potter

Athugasemdir

[Jón Steinar Ragnarsson, 24.9.2008 kl. 01:15]

Hér er trailer.  Ég hefði haldið að framleiðendur Home Alone myndanna hefðu heldur átt að kíkja á þetta.

Annars eru svona málaferli orðin hluti af markaðsetningu í dag. Allt umtal er betra en ekkert. Hvað þá á stórum markaði eins og á Indlandi.

[Emil Örn Kristjánsson, 24.9.2008 kl. 17:02]

Jú, Hollywood er nú heldur ekki alveg saklaust af því að "kópera" góðar myndir.

"Pure Luck" og "Three Men and a Lady" voru t.d. amerískar útgáfur af mun betri frönskum gamanmyndum.