Ofmetnir sálfræðingar

Sálfræðingur: Maður (karl eða kona), sem eytt hefur einhverjum árum í atferlisskoðanir og hugsanlega skrifað um það lærðar greinar.

Ætlar svoleiðis fólk nú að fara að segja dómstólum til um hvernig kveða skuli úr um sekt eða sakleysi?

Það er ekki eðlilegt hvað samtímafólk mitt er blindað af öllu því sem sálfræðingar segja. Það er helzt að heyra að þeir séu alvitrir "móralskir" meistarar hverra orð eru yfir allan vafa hafin.

Verst að sálfræðingar sjálfir eru farnir að trúa þessari goðsögn um sjálfa sig.

Mikilvæg tól í dómsmálum

Athugasemdir

[Gústa (IP-tala skráð) 9.7.2008 kl. 11:10]

Jæja, svo Jón Steinar er núna vanmetin sérfræðingur í sálfræði? Æji, já mikið rétt, ég bara steingleymdi að hann er guðleg vera með djúpa þekkingu og reynslu á öllum málum. Öruggleg líka með meiri þekkingu og reynslu í sálfræði en þessir ofmetnu sálfræðingar. Og einni gmeð dýpri þekkingu á afleiðingum nauðgana en fórnarlömb þeirra.

[Emil Örn Kristjánsson, 9.7.2008 kl. 11:18]

Algjör óþarfi að verða sár, Gústa, og gera mér upp orð og hugmyndir um Jón Steinar. Ég minnist hvergi á hann í þessum hugleiðingum.

Ert þú kannske einn af þessum "göfugu" sálfræðingum.

[Einar Þór Strand, 9.7.2008 kl. 11:47]

Getur verið að það sé til fólk í stétt sálfæðinga og kannski líka geðlækna og annarra ráðgjafa stétta sem fjalla um fólk sem á í einhvers konar sálarkreppu sem nærist á vandanum? 

Getur samtalsmeðferð orðið til að auka á vanda fólks með því að velta sér uppúr honum?

Getur samtalsmeðferð verið skaðleg fórnarlömbum?

Þetta eru bara spurningar sem þarf að spurja, því þessi heimur er ekki vísindi sem hægt er að mæla heldur meira að þreifa sig um í myrkri og stundum hættulegur heimur.

[Bjarni (IP-tala skráð) 9.7.2008 kl. 12:25]

Eru það ekki einmitt "svoleiðis fólk" sem við viljum að hjálpi dómstólum til um hvernig kveða skuli úr um sekt eða sakleysi?
Ekki held ég að dómarar séu alvitrir og ég vil að þeir sæki sér aðstoð og sérþekkingar til þeirra sem hana hafa on

Getur samtalsmeðferð orðið til að auka á vanda fólks með því að velta sér uppúr honum?
Getur samtalsmeðferð verið skaðleg fórnarlömbum?

Það er eins gott að þegja bara yfifr því sem xxxxx gerði þér, vonandi verður þú bara búin að gleyma því eftir 4 ár.
Held að það myndi enginn segja slíkt við fórnarlamb, nema þeir sem hafa eitthvað að fela.

[Bjarni (IP-tala skráð) 9.7.2008 kl. 12:28]

Afsakið, þetta átti að vera, 
sérþekkingar til þeirra sem hana hafa.

[Emil Örn Kristjánsson, 9.7.2008 kl. 12:35]

Því hefur ekki verið haldið fram í þessari umræðu að dómarar séu alvitrir. Þvert á móti virðist það frekar hald manna að sálfræðingar séu það og ef einn dómari leyfir sér að draga alvizku þeirra í efa verður allt vitlaust.

[Steinn Hafliðason, 9.7.2008 kl. 13:56]

Ég er ekki að sjá í þessari frétt sem þú tengir við að það sé talað um að sálfræðingar eigi að kveða á um sekt eða sakleysi eins og þú segir í setningunni:

"Ætlar svoleiðis fólk nú að fara að segja dómstólum til um hvernig kveða skuli úr um sekt eða sakleysi?"

Það hlýtur að vera eitthvert gagn af því að fá mat á andlegu ástandi kæranda til að styðjast við um líkindi ætlaðs verknaðar.

[Emil Örn Kristjánsson, 9.7.2008 kl. 16:04]

Alla vega, Steinn, þá virðist sálfræðingurinn vera í einhverju uppnámi yfir því að dómarinn telur vitnisburð hans ekki hafinn yfir allan vafa þegar kemur að dómsorði.

[Karma (IP-tala skráð) 10.7.2008 kl. 11:17]

Var sálfræðingurinn vitni í þessu tiltekna máli? Það kom ekki fram í fréttinni en getur verið að þú vitir meira um þetta mál en ég.

Þú ert greinilega að álykta um tilfinningar þessa sálfræðings út frá atferli hans. Það eru kannski bara fólk með sérþekkingu í þessum málum sem á ekki að álykta um líðan annara?

Mér þætti líka áhugavert að vita hvernig þú telur að dómarar eigi að meta sönnunargögn án þess að kalla til sérfræðinga.

[Hjördís Þráinsdóttir, 10.7.2008 kl. 14:55]

Ég ætla að koma hér með athugasemd sem á ekki beint erindi við bloggið sjálft, heldur frekar hinar athugasemdirnar sem skrifaðar hafa verið við bloggið.

Áfallastreituröskun er raunverulegt vandamál sem getur fylgt fólki ævina á enda ef ekkert er að gert. Áfallastreituröskun tengist ekki bara atburðinum/atburðunum sem ollu henni, heldur veldur sálarlegum og sállíkamlegum einkennum í daglegu lífi fólks. Sumir (eins og t.d. ég) geta ekki unnið sig út úr þessum vanda hjálparlaust, þrátt fyrir þrálátar og oft áralangar tilraunir, og þá er samtalsmeðferð og jafnvel hugræn atferlismeðferð eina leiðin til að hjálpa fólki að komast yfir áfallið/áföllin sem hafa þessi miklu áhrif á daglegt líf - í það minnsta læra að lifa með þeim tiltölulega þjáningarlaust.

Það er mín skoðun að bjóða eigi fórnarlömbum áfalla upp á samtalsmeðferð (hina sívinsælu áfallahjálp) því hún er mun líklegri til að hjálpa en skaða. Sumir segja líka að hlutirnir verði að versna áður en þeir batna.

Ég tek það fram að þetta er einungis mín persónulega skoðun, byggð á persónulegri reynslu.

Hvað varðar áhrif sálfræðinga í dómsmálum, þá er það og verður viðkvæmt mál.

[Emil Örn Kristjánsson, 10.7.2008 kl. 15:34]

Jæja, ég hef aldrei ritað á þessa síðu mína neitt sem vakið hefur jafn mikil viðbrögð. Ekki einu sinni þegar ég, í tvígang, birti hugleiðingar mínar um @, sem að mínu mati er ekki minna mál.

Sumir virðast ýmsir reyndar hafa talið að hér væri um eitthvert einangrað mál að ræða, en svo er ekki.

Það sem ég vildi sagt hafa og stend við er að sálfræðingar eru ofmetnir. Það sézt meðal annars á þeim viðbrögðum sem hér hafa komið fram. Algjörlega óháð því hver á í hlut þá er eins og allt ætli að verða vitlaust þegar dómari vill halda því fram að vitnisburður sálfræðinga sé ekki hafinn yfir allan vafa.

Sálfræðingar geta svo sem verið til ýmissa hluta nytsamlegir en það er algjör óþarfi fyrir þá og aðra að setja þá á einhvern stall.

Auðvitað getur fólk þurft á faglegri hjálp að halda við ákveðnar aðstæður og vissulega geta sálfræðingar þá verið hjálplegir, rétti eins og svo margir aðrir, s.s prestar og læknar o.fl.. Það var bara ekki inntakið í umfjölluninni.

P.s. RokkSokkur, pillaðu þig upp úr sundlauginni og komdu þér í sturtu!

[Hjördís Þráinsdóttir, 11.7.2008 kl. 11:19]

Nei Emil, ég fer frekar í blóðbað.