Skörp...

Er Jóhanna bara lögst í grín og brandara? Hvarflar það kannske ekki að henni að fólki þyki bara svona lítið til Samfylkingarinnar koma? Hvarflar það ekki að henni að fólki þyki nóg um þann skaða sem hún hefur valdið í Stjórnarráðinu og kæri sig ekkert um samskonar skemmdarverk í ráðhúsinu?

 "Forsætisráðherra telur fylgi Samfylkingarinnar of lítið í Reykjavík", hamingjan sanna! Hún hlýtur þá að vera með það á hreinu hvað fylgi Samfylkingarinnar á að vera. Ætli hún setji ekki bara lög á það hvaða fylgi Samfylkingarinnar er það rétta. Það gerðu menn í A-Þýzkalandi og Tékkóslóvakíu hér á árum áður. Þá var það einfaldlega bundið í lög hvert fylgi hvers flokks ætti að vera og tryggt að Flokkurinn með stóra F-inu væri með meirihluta.

Fylgið of lítið í Reykjavík

Athugasemdir

[Jón Ríkharðsson, 28.5.2010 kl. 18:55]

Já Emil, Jóhanna er afskaplega undarleg kona. Ég er samt hissa á því, hversu mikið samfylkingarliðið kemst upp með að ljúga að fólki, án þess að vera leiðrétt.

Dagur þykist ætla að setja mikinn pening í atvinnuskapandi verkefni. Ætli hann verði duglegri í borginn en á landsvísu? Verk hans flokks lofa ekki góðu, ríkið er að veita átján milljörðum í atvinnusköpun meðan Reykjavíkurborg veitir tuttugu og sex milljörðum.

Svo skammast hann í Hönnu Birnu fyrir að uppfylla loforð hans eigin flokks og til að kóróna bullið, þá þakkar hann sér það, að hafa stöðvað samruna GGE og REI. En það er vitað að hann og samfylkingarforkólfarnir skömmuðust út í sjálfstæðismenn fyrir að hafa stöðvað samrunan. Þess vegna sprakk fyrsti meirihlutinn.

Þeir eru að nöldra yfir lóðarmálum hjá sjálfstæðismönnum og telja þá hafa stuðlað að braski og of háu lóðarverði. Þetta eru þeir sem bjuggu til himinhátt lóðarverð þegar þau réðu ríkjum.

Mér þykir það leitt Emil minn, að hafa verið mjög upptekinn síðustu misseri, ég er búinn að vera mikið úti á sjó, þannig að ég hef lítið náð að skrifa. En við sjálfstæðismenn þurfum að standa saman og stöðva lygi samfylkingarfólksins, með stöðugum áróðri.

Reykvíkingar eru væntanlega búnir að gleyma síðustu stjórnartíð Samfylkingar í borgarstjórn, en þau voru atkvæðamest í R-listanum sáluga. Þá mörghundruðfölduðust skuldirnar og útsvar hækkaði. Óábyrg fjármálastjórn og fáránlegar rekstraræfingar OR. sitja helst í minningu þeirra sem fylgjast með samtímanum.

Ég er að fara út á sjó í kvöld og óska ykkur góðs gengis á morgun. Að sjálfsögðu er ég búinn að setja krossinn við D.