Ég er líka í herferð...

Ég hef staðið í minni persónulegu herferð gegn bæði hollendingum og bretum (viljandi ritað með litlum staf) undanfarna mánuði. Ég forðast að kaupa brezkar og hollenzkar vörur. Hið ágæta hollenzka öl og hið rómaða brezka viskí, auk þeirra ágæta öls, er t.a.m. ekki í innkaupakörfum mínum í verzlunum ÁTVR.

Ég átti leið inni í áfengisverzlun á Norðurlandi í vikunni. Þar var einn viðskiptavinur kominn með kassa af Heineken-öli að afgreiðsluborðinu þegar aðrir viskiptavinir bentu honum á að neyzla þessa varnings jaðraði við föðurlandssvik. Ég leyfði mér að taka heilshugar undir með heimamönnum og áttaði viðskiptavinurinn sig fljótt á ábendingum sveitunga sinna, skilaði umræddum ölkassa og keypti sér einn innlendan í staðinn.

Gott til þess að vita að það eru fleiri en ég sem standa í slíkri herferð. Bezt ef öll þjóðin sameinaðist um að sniðganga vörur þessara kúgara.

Herferð gegn Íslandi

Athugasemdir

[Eygló, 30.7.2009 kl. 01:38]

Gott framtak hjá ykkur! (þér og Norðlendingunum).

Verstur andsk.. að ég fer aldrei í Ríkið. Þá gæti maður lýst frati á slíka framleiðslu.

[Alexander Kristófer Gústafsson, 30.7.2009 kl. 20:02]

Tek undir það enginn heineken fyrir mig á næstuni

[Eygló, 31.7.2009 kl. 02:36]

nei, enda erum við ekki fúl útí hollenska verkamenn í bjórverksmiðjum, eða?  Mér er bara heldur hlýtt til Hollendinga, ef út í það er farið.

Það eru íslensku ógeðin sem gera mann brjálaðan.

En notum íslenska framleiðslu alltaf þegar það er hægt.