Aumingja karlinn... eða þannig

Hversu siðblindir geta menn verið? Hversu gersneyddir allri sómatilfinningu? Hversu ómeðvitaðir um almenna réttlætiskennd?

Maðurinn sem tók ofurlaun fyrir að setja stöndugt fyrirtæki á hausinn á mettíma telur sig eiga kröfu til ofturlauna frá því sama fyrirtæki í tvö ár! Halló, hvar er þessi maður alinn upp?

Maður á varla orð yfir svona hroka.

Ég óttast mest að fólk sem hagar sér svona geri sér ekki grein fyrir því hversu fjarstæðukenndar svona kröfur eru. Ég óttast að svona fólk sé svo siðblint að það átti sig ekki á því að það sé að gera eitthvað rangt. Það er skárra þegar fólk gerir sér grein fyrir því að það sé að gerta eitthvað rangt þegar það fremur ódæðið. Þá er því hugsanlega við bjargandi.

Ekki aðeins virðist manninum sjálfsagt að þiggja ofurlaun án þess að hafa nokkurn tíma unnið fyrir þeim. Hann hikar ekki við að draga þá sem hann setti á höfuðið fyrir dómstóla til merja undan þeim fé. Ég endurtek bara: Hvar er þessi maður alinn upp?

Ég segi þó ekki annað en að það er ánægjulegt að dómstólarnir virðast vera að virka. Vonandi dettur nú hæstarétti ekki í hug breyta þessu... þ.e.a.s. ef karlinn ætlar að gerast svo djarfur að áfrýja.

Eimskip sýknað af kröfu Baldurs

Athugasemdir

[Finnur Bárðarson, 3.7.2009 kl. 16:21]

Þú ert í raun að lýsa mjög vel höfuð einkennum Psykopatiu. En talið er að allt að 80% stærstu glæpamanna í fangelsum í Bandaríkjunum, séu haldnir þessari geðröskun.

[Eiður Ragnarsson, 3.7.2009 kl. 16:29]

Þetta er alveg með ólíkindum með hann Baldur..... Fyrst setja fyrirtækið á hausinn og heimta síðan starfslokasamning sem hljóðar uppá tvenn ævilaun meðaljónsins....

Menn kunna ekki að skammast sín...