Fantar og fúlmenni...

Ofbeldi leysir engan vanda það kallar aðeins á meira ofbeldi.

Fólk á að geta verið öruggt heima hjá sér, sama hvaða embættum eða störfum það gegnir.

Ég er enginn já-bróðir Ögmundar Jónassonar en ég get vel unnt honum friðhelgi á eigin heimili og ég leyfi mér að lýsa vanþóknun minni á slíkum lyddum og pakki sem ræðst að heimili fólks í skjóli nætur.

Klukkan þrjú aðfararnótt laugardags var ég reyndar farinn að sofa... en það er önnur saga.

Ráðist á heimili Ögmundar

Athugasemdir

[Sigurður Alfreð Herlufsen, 9.5.2011 kl. 13:09]

Það er ekki aðeins að ég geti unnt Ögmundi friðhelgi, heldur vil ég bæta við að öllum Íslendingum á að tryggja friðhelgi. Heimilið er okkar helgasta vé og þar eigum við að eiga öruggt skjól.

Ég varð felmtri sleginn við þessi tíðindi gagnvart Ögmundi, og ég vona svo sannarlega að hinir seku finnist, svo ekki liggi fleiri undir grun, en nauðsyn krefur.

[Emil Örn Kristjánsson, 9.5.2011 kl. 13:13]

Ég tek undir það, Sigurður...