Klikkað partý...

Þetta var æðislegt partý, krakkar. Ég sat til borðs með Cindy Crawford og var nú aðallega að kjafta við hana allt kvöldið... ekki sízt til að forðast það að Madonna gæfi sig á tal við mig. Hún er svo rosalega eitthvað steikt.

Kiefer var vissulega svolítið æstur en það er tómur uppspuni að hann hafi skallað Jack. Kiefer skallar aldrei neinn. Hann er meira fyrir að sparka í sköflunginn á fólki. Annars var pabbi hans á staðnum, svo strákurinn tók því rólega.

Já og svo Brooke þarna líka og ég dansaði aðeins við hana en það var nú bara svo hún fengi smá frið fyrir Bruce Willis, sem var eitthvað að pirra hana.

Annars var þetta stórtíðindalaust. Ég vaknaði svo næsta morgun í sófanum heima hjá Marc Jacobs... Guð einn veit hvernig ég komst þangað. Klukkan var orðin hálf níu svo ég flýtti mér bara út og í vinnuna.

Umtalað partí á Metropolitan

Athugasemdir

[Sigurður Hreiðar, 6.5.2009 kl. 18:34]

Dáist að því hvað þú kannt af nöfnum á þessu liði! Það hefði orðið lítið úr mér.

Kv.

[Emil Örn Kristjánsson, 6.5.2009 kl. 19:44]

Það getur verið vandalaust að virðast gáfaður, Sigurður. Þetta eru bara nöfn, sem ég tíndi upp úr féttinni, sem ég vitna í... ekki þar fyrir að ég þekki að sjálfsögðu allt þetta fólk persónulega.